अभिजित सोनावणे

नाशिक : जिल्ह्यात घराच्या टेरेसवरुन उडी मारत 24 वर्षीय विवाहितेने आत्महत्या (Suicide) केल्याची धक्कादायक घटना सिडकाेतील खुटवड नगर येथे रविवारी ता. 2 रोजी सकाळी घडली आहे. (Nashik Crime News)

सुसाइड नाेट सापडली...

याबाबत पोलिसांनी दिलेल्या माहितीनुसार, मृत प्रियंका आकाश पगारे (रा. कृष्णा अपार्टमेंट, माहेरघर मंगल कार्यालयसमोर, खुटवड नगर) असे या विवाहित महिलेचे नाव होते. सकाळी साडेदहाच्या वाजेच्या सुमारास बिल्डिंगच्या गच्चीवरून उडी मारत तिने आत्महत्या केली. मात्र, आत्महत्येचे कारण अद्याप समजू शकलेले नाही. परंतु तिच्याकडे पोलीसांना सुसाइड नोट (Suicide Note) सापडली आहे. घटनास्थळावरून तिला तत्काळ जिल्हा शासकीय रुग्णालयातील दाखल करण्यात आले होते. मात्र, डॉ. धूम यांनी तपासून मृत घोषित केले.

हे देखील पहा-

सुसाईड नोटमध्ये काय ?

सुसाइड नोटमध्ये तिने वडिलांना उद्देशून म्हटलं की, मी गेल्यावर थोडा त्रास होईल पण नंतर सर्व ठीक होईल. तसेच आई मला माफ कर, माझ्या मृत्यूला कोणालाही जबाबदार धरू नये. असे लिहिले असून या प्रकरणाचा पुढील तपास अंबड पाेलिस करत आहेत.