आचारसंहितेपूर्वी (code of conduct) मंगळवेढा उपसा सिंचन योजनेला (mangalvedha sinchan yojana) मंजुरी द्या अन्यथा लोकसभा निवडणुकीवर (loksabha election 2024) बहिष्कार टाकू असा इशारा मंगळवेढा तालुक्यातील कायम दुष्काळी भाग असलेल्या 24 गावातील शेतकरी, ग्रामस्थांनी दिला आहे. या भागात झालेल्या पाणी परिषदेत गावकऱ्यांनी हा इशारा दिला आहे. दरम्यान या आंदोलनाला तुतारीचा वास येत असल्याचा आरोप भाजपच्या माजी सरपंच यांनी केला आहे. यामुळे आगामी काळात पाणी प्रश्न पेटण्याचे चिन्ह दिसू लागले आहे. (Maharashtra News)
गेल्या ५० वर्षापासून मंगळवेढा तालुक्यातील २४ गावे ही दुष्काळात आहेत. सन २००९ साली पाणी प्रश्नावरून यांचं गावांनी लोकसभा निवडणुकीच्या मतदानावर बहिष्कार टाकला होता. त्यानंतर आता पुन्हा पाण्यासाठी मतदानावर बहिष्कार टाकण्याचा इशारा ग्रामस्थांनी दिला आहे.
आमचे रक्त घ्या पण पाणी द्या. महाराष्ट्र सरकार पाणी देणार नसेल तर येथील गावकऱ्यांनी थेट कर्नाटकात जायची तयारी दर्शवली आहे. कर्नाटकच्या मुख्यमंत्र्यांच्या भेटीची वेळ मागितली असून येत्या तीन चार दिवसांत भेट होणार आहे. दरम्यान पाणी पाणी प्रश्नावरून महायुतीला खिंडीत पकडण्याचा प्रयत्न केला जात आहे.
('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
पाणी परिषदेचे संयोजक अंकुश पडवळे हे शरद पवारांचे कार्यकर्ते म्हणून ओळखले जातात. निवडणूक डोळ्यासमोर ठेवून त्यांनी आंदोलन केले. त्यांच्या आंदोलनाला तुतारीचा वास येत असल्याचा आरोप नंदेश्वरचे माजी सरपंच भारत गरंडे यांनी केला आहे.
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.