--मंगेश मोहिते

नागपूर : सोन्याच्या दागिन्यांसह बाईक चोरी करणाऱ्या कुख्यात 2 गुन्हेगारांना अटक करण्यात तहसील पोलिसांना यश आले आहे. या आरोपींकडून सोन्याची चैन, मंगळसूत्र,अंगठी आणि एक बाईक जप्त करण्यात आली आहे. मात्र, पोलीस एका गुन्ह्यातील ऐवज जप्त करायला गेले आणि त्यांना अजून तीन गुन्ह्यांचा तपास लागला.

हे देखील पहा :

गुन्हेगार हाती लागताच वेगवेगळ्या तीन गुन्ह्यांचा खुलासा झाला. तहसील पोलीस बाईक चोरीचा तपास करत होते. मात्र, त्या गुन्ह्यात अटक करण्यात आलेल्या आरोपीने पोलिसी हिसका दाखवताच घरफोडी चा गुन्हा सुद्धा कबुल केला.

या आरोपीने तहसील परिसरात चोरी करत एका घरातील कपाट फोडून त्यात ठेवलेली सोन्याची चैन मंगळसूत्र, मनचली, सोन्याची अंगठी, कानातील बाळी चोरल्या होत्या. अनेक दिवसांपासून या गुन्ह्याची उकल होत नव्हती मात्र एक बाईक चोरीचा गुन्हा उघड झाला आणि या गुन्ह्याची सुद्धा उकल झाली पोलिसांनी सगळा मुद्देमाल जप्त केला आहे.

Edited By : Krushnarav Sathe