Chandrapur Crime News :

चंद्रपूर जिल्ह्यातील राजुरा तालुक्यातल्या तेलंगणा सीमेवरच्या आसिफाबाद मार्गावरच्या पेट्रोल पंपावर धाडसी दरोडा पडला. पिस्तुलचा धाक दाखवित दराेडेखाेरांनी 2 लाखांची रोकड चाेरली. (Maharashtra News)

पाेलिसांकडून मिळालेल्या माहितीनूसार रात्री 2 वाजता हा दराेडा पडला. सुमारे 5-6 युवकांनी पंपावर केबीनमध्ये प्रवेश केला. पिस्तुलच्या धाकाने दराेडेखाेरांनी 2 लाखांची रोकड पळवली. या घटनेची माहिती मिळताच पहाटे पोलिस अधीक्षक आणि वरीष्ठ अधिकारी घटनास्थळी दाखल झाले.

ही संपूर्ण घटना सीसीटीव्हीत कैद झाली आहे. या मार्गावरील सीसीटीव्ही फुटेज व टोल नाक्यावरील नोंदी तपासून संशयित आरोपींचा पाेलिस शोध घेताहेत. पोलिसांची वेगवेगळी पथके शोधकार्यात गुंतली आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar