- विनायक वंजारे

Sindhudurg News : जहाजाच्या तळाला मोठे भोक पडल्याने विजयदुर्ग किनार्‍यापासून चाळीस वावमध्ये तेल वाहतूक करणारे दुबई येथील पार्थ हे जहाज बुडाले आहे. हे जहाज दुबईतून (dubai) बंगळूरच्या (banglore) दिशेने जात होते. रत्नागिरीतील (ratnagiri) तटरक्षक दलाच्या कर्मचाऱ्यांनी वेळीच मदतकार्य सूरू केल्यामुळे त्या जहाजावरील 19 कर्मचाऱ्यांना वाचवण्यात यश आले आहे.

हे जहाज दुबई येथील आहे. ते बंगळूरला निघाले हाेते. जहाजाच्या तळाला भोक पडल्याने ही दुर्घटना घडल्याची प्राथमिक माहिती उपलब्ध झालेली आहे. या दुर्घटनेची माहिती समजताच रत्नागिरी येथील तटरक्षक दलाच्या कर्मचारी तातडीने मदतीसाठी धावले.

सध्या जहाजावरील 19 कर्मचाऱ्यांना वाचवण्यात यश आल्याची माहिती मिळत आहे. अद्याप ही मदतकार्य सुरु आहे.

Edited By : Siddharth Latkar