Pandharpur Ganeshotsav : राज्यभरात गणेशोत्सवाची (Ganesh Utsav) धामधूम सुरु आहे. उत्सवाच्या पहिल्याच दिवशी सांगोला शहरात पाेलिसांनी केलेल्या कारवाीत तब्बल चाैदा लाख पन्नास हजार रुपयांचा दारूसाठा जप्त केला आहे. या कारवाईमुळे अवैध व्यवसाय करणा-यांमध्ये खळबळ माजली आहे. दरम्यान पाेलिसांच्या (police) कारवाईचं नागरिकातून काैतुक हाेत आहे.

गणेशोत्सवाच्या पहिल्याच दिवशी सांगोला पोलिसांनी अवैध दारू साठा विरोधात मोठी कारवाई केली आहे. या कारवाई दरम्यान पोलिसांनी 14 लाख 50 हजार रुपये किंमतीच्या टॅगो कंपनीच्या सुमारे दाेन हजार दारूच्या (liquor) बाटल्या (२१० बॅक्स) जप्त केल्या आहेत. या प्रकरणी तिघां विरोधात गुन्हा दाखल करण्यात आला आहे.

पंढरपूर - महूद रोड लगत असलेल्या सांगोला तालुक्यातील गायगव्हाण परिसरातील एका शेतातील शेडमध्ये अवैध‌ दारू साठा असल्याची माहिती पोलिसांना मिळाली होती. त्यानुसार पोलिस निरीक्षक आनंद कुलकर्णी यांच्या मार्गदर्शनाखाली सांगोला‌ पोलिसांनी छापा टाकला. यामध्ये टॅगो कंपनीच्या दोन हजार दारूच्या बाटल्यांचा साठा जप्त केला आहे. या प्रकरणी पंढरपूर येथील शुभम वाघमारे, किरण खिलारे आणि रवि‌ खिलारे या तिघा संशयितां विरोधात गुन्हा दाखल केला आहे अशी माहिती पाेलीसांनी दिली.

Edited By : Siddharth Latkar