बुलढाणा - काल शेगाव (Shagaon) तालुक्यातील ज्या परिसरात तहसीलदारांची गाडी फोडून मारहाण झाली होती. त्याच परिसरात आज पुरणा नदी पात्रातील अवैध वाळू उपसा करणाऱ्यांनी खोदून ठेवलेल्या खड्डयात पडून एका बारा वर्षीय मुलाचा मृत्यू झाल्याची घटना घडली आहे. यामुळे संतप्त गावकऱ्यांनी मुलाचा मृतदेह शासकीय रुग्णालयात (Hospital) आणून शेगाव पोलीस स्थानकात चांगलाच हंगामा केला. जो पर्यंत गुन्हा दाखल न नाही तोपर्यंत मृतदेह ताब्यात घेणार नसल्याची भूमिका घेत पोलीस स्थानकात ठिय्या दिला.

हे देखील पहा -

बुलढाणा जिल्ह्यातील शेगाव ग्रामीण पोलीस स्टेशनच्या हद्दीत अवैध वाळू तस्करांची मुजोरी इतकी वाढली आहे की काल वाळू तस्करांनी तहसीलदांची गाडी फोडत चालकाला बेदम मारहाण केली होती. त्यानंतर त्याच परिसरात पूर्णा नदी पात्रातीलरात्रीच्या वेळी अवैध वाळू उपसा करणाऱ्या तस्करांनी रातोरात नदीपात्रात मोठा खड्डा खोदून त्यातील वाळू चोरून नेल्याने नेहमी प्रमाणे नदीत पोहायला जाणाऱ्या भोंनगाव येथील लहान मुलांना पाण्याचा अंदाज न आल्याने त्याचा मृत्यू झाला.

अर्जुन भारसाकळे असे मृत मुलाचे नव आहे. याची तक्रार पोलिसात देण्यासाठी मुलाचे नातेवाईक गेले असता पोलिसांनी तक्रार घेण्यास टाळाटाळ केल्याने नागरिकांनी व नातेवाईकांनी शेगाव ग्रामीण पोलीस स्टेशन समोरच पोलीस प्रशासन हाय हाय चे नारे देत मोठा गोंधळ घातला. जो पर्यंत गुन्हा दाखल होत नाही तो पर्यंत मृतदेह स्वीकारणार नसल्याची भूमिका नातेवाईकांनी घेतली आहे.

Edited By - Shivani Tichkule