Sangli News : सांगली येथील हरिपूर रस्त्यावरील अजिंक्य चौक येथे आज (मंगळवार) ऊसाने भरलेल्या ट्रॉलीच्या चाकाखाली येऊन एका मुलीचा जागीच मृत्यू झाला आहे. या घटनेने सर्वत्र हळहळ व्यक्त केली जात आहे.

आज सकाळी साडे दहाच्या सुमारास संबंधित मुलगी क्रिकेटचे किट घेऊन खेळण्यासाठी सायकलवरून जात होती. यावेळी तिचा तोल गेला आणि ट्रॅक्टर आणि ट्रॉलीच्या चाकाखाली आल्याची घटनास्थळावरुन माहिती मिळाली.

हा अपघात घडल्यानंतर परिसरातील नागरिकांची घटनास्थळी गर्दी झाली. यावेळी नागरिकांनी तातडीने अपघाताची माहिती पाेलिसांना दिली. दरम्यान या अपघातात मुलगी जागीच ठार झाल्याने घटनास्थळी हळहळ व्यक्त हाेत हाेती.

edited by : siddharth latkar