चिपळूण तालुक्यातील वालोपे गणेशवाडी येथे 10 वर्षांच्या चिमुकलीनं आपल्या आईचा जीव वाचवण्यासाठी चक्क मगरीशी दोन हात केलेत. या धाडसी मुलीचे नाव स्वर्णी पवार असून, तिच्या प्रसंगावधानामुळे आईचा जीव वाचलाय...

नंदिनी पवार या वाशिष्ठी नदीत कपडे धुण्यासाठी गेल्या होत्या... त्यावेळी त्याच्यावर मगरीनं हल्ला केला... नंदिना यांचा पाय पकडून मगर त्यांना पाण्यात ओढण्याचा प्रयत्न करत होती...प्रसंग बाका होता. मात्र स्वर्णी घाबरली नाही, तिनं धाडस दाखवत आईला पूर्ण ताकदीनिशी बाहेर ओढलं...ज्यामुळे आईचा जीव वाचलाय...नेमकं काय झालं...ऐका...

या हल्ल्यात नंदिनी पवार जखमी झाल्यात...कामथे रुग्णालयात त्यांच्यावर उपचार सुरु आहेत...मात्र 10 वर्षांच्या मुलीने दाखवलेले हे धाडस संपूर्ण रत्नागिरी जिल्ह्यात कौतुकाचा विषय ठरले असून, स्वर्णीच्या या प्रसंगावधानाबद्दल सर्वच स्तरातून तिच्यावर कौतुकाचा वर्षाव होतोय...मात्र वाशिष्ठी नदीच्या परिसरात याआधीही मगरींचे वावर पाहायला मिळालाय.. त्यामुळे या घटनेमुळे नदीकाठच्या नागरिकांमध्ये भीतीचे वातावरण पसरलंय. प्रशासनाकडून सुरक्षेच्या दृष्टीने तातडीने उपाययोजना करण्याची मागणी होतोय....