लातूर - दगडवाडी येथे रस्त्यावरील पुलाच्या कठड्यावर बसलेल्या दोन तरुणांना कारने जोरदार धडक दिली. या अपघातात एक जण जागीच ठार तर एक जण जखमी झाल्याची घटना घडली आहे. रविवारी सकाळी 6.30 च्या सुमारास हा अपघात घडला. या प्रकरणी अहमदपूर शहरातील 21 वर्षीय वसीम याकुब शेख रा. फत्तेपूर गल्ली याच्याविरुध्द गुन्हा दाखल करण्यात आला आहे.

हे देखील पाहा -

वसीम याने त्याच्या ताब्यातील गाडी भरधाव वेगात व निष्काळजीपणाने चालवली. गाडी दगडवाडी पुलाजवळ येताच त्याचा गाडीवरील ताबा सुटला. यामुळे त्याने त्याच्याविरुद्ध दिशेच्या पुलावरील पहील्या कठड्याच्या बाहेर बसलेला दगडवाडी येथील मुकींद रामराव मुंढे याच्या अंगावरून गाडी घातली.

या अपघातामुळे त्याच्या शरिरावर ठिकठिकाणी गंभीर मार लागला व त्याचा मृत्यू झाला. तर त्याच ठिकाणी असणारा प्रतिक पांडूरंग मुंढे याला दोन्ही पायाला गंभीर इजा झाली. याप्रकरणी आरोपीवर गुन्हा दाखल झाला असून पोलीस पुढील तपास करत आहेत.

Edited By - Shivani Tichkule