बारमतीच्या मैदानात पुन्हा एकदा पवार कुटुंबात लढत होत आहे. लोकसभेला नणंद भावजय यांच्यामध्ये आमनासामना झाला होता. आता काका आणि पुतण्यामध्ये थेट लढत होत आहे. अजित पवार आणि युगेंद्र पवार यांच्यामध्ये विधानसभेची लढत होत आहे. सोमवारी दोघांनाही उमेदवारी अर्ज दाखल केला. अर्ज दाखल केल्यानंतर सभेत बोलताना अजित पवार भावनिक झाले होते. युगेंद्र पवार यांना उभं करु नका, असे आईने सांगतले होते.. असे वक्तव्य अजित पवार यांनी केले होते. या वक्तव्याची जोरदार चर्चा झाली. याला आता युगेंद्र पवार यांनी प्रत्युत्तर दिलेय.

बारमातीच्या मैदानात अनुभवी अजित पवार यांच्यासमोर नवख्या युगेंद्र पवार यांचं आव्हान आहे. भाषणामध्ये आरोप-प्रत्यारोपाची मालिका लागली आहे. पवार कुटुंबात आईवरुन दावे -प्रतिदावे केल्याचे पाहायला मिळत आहेत. आईने युगेंद्रला उभं करू नका असे सांगितले होते. पण कुणीही ऐकलं नाही, असे वक्तव्य अजित पवार यांनी सोमवारी जाहीर सभेत केले होते. याला आता युगेंद्र पवार आणि श्रीनिवास पवार यांनी उत्तर दिले. आजीसोबत माझं भावनिक नातं आहे, त्यांना राजकारणात आणायचं नाही, असे युगेंद्र पवार म्हणाले. तर अजित पवार यांचे बंधू श्रीनिवास पवार यांनीही आईला मध्ये आणू नका, असे म्हटलेय.