भरत मोहोळकर, साम प्रतिनिधी

विधानसभा निवडणुकीचा प्रचार धार्मिक मुद्द्याभोवती फिरायला सुरुवात झालीय.. त्यातच लोकसभा निवडणुकीवेळी सज्जाद नोमाणींनी महाविकास आघाडीसाठी व्होट जिहाद करण्याचा फतवा काढल्याचा दावा करणारा ऑडिओ फडणवीसांनी पुण्यातील सभेत ऐकवला. एवढंच नाही तर विधानसभा निवडणुकीत व्होट जिहाद विरुद्ध मतांचं धर्मयुद्ध करा, असं आवाहन फडणवीसांनी केलंय. तर पुण्यातील काही लोकं फक्त भाजपलाच मतदान करतात, त्याला व्होट जिहाद म्हणायचं का? असा पलटवार पवारांनी केलाय

लोकसभा निवडणुकीत व्होट जिहादमुळे 14 मतदारसंघात महायुतीला फटका बसल्याचा दावा फडणवीसांनी केलाय.. तर फडणवीसांनी व्होट जिहादचं गणितच मांडलंय.

फडणवीसांचं धुळ्यातलं व्होट जिहादचं गणित

5 विधानसभा मतदारसंघात सुभाष भामरे 1 लाख 90 हजार मतांनी आघाडीवर

एकट्या मालेगाव मध्यमधून शोभा बच्छाव यांना 1 लाख 94 हजार मतांचं लीड

अखेर सुभाष भामरेंचा 3 हजार 831 मतांनी पराभव

लोकसभा निवडणुकीत अल्पसंख्याक मतं भाजपपासून दुरावल्याने विधानसभा निवडणुकीत भाजपने आक्रमक प्रचार करत बटेंगे तो कटेंगे नारा दिलाय. मात्र राज्यात 32 विधानसभा मतदारसंघात अल्पसंख्याक मतांचा प्रभाव आहे. त्यामुळे मतदार मतांचं धर्मयुद्ध करणार की लोकसभेप्रमाणे धार्मिक धृवीकरणाविरोधात मतदान करणार? यावर सत्तेचं समीकरण अवलंबून असणार आहे.