महाराष्ट्रातील विधानसभा निवडणुकांचे काऊंटडाऊन सुरु झाले आहे.आगामी विधानसभा निवडणुकांचे बिगुल वाजताच राज्यातील सर्वच पक्ष जोमाने कामाला लागले आहेत.अशातच आता आगामी विधानसभा निवडणुकीत मनसे नेते अमित ठाकरे हे रिंगणात उतरणार आहेत.अमित ठाकरे हे माहिम मतदारसंघातून निवडणूक लढवणार असल्याचं निश्चित मानलं जातंय.

अमित ठाकरे जर विधानसभा निवडणुकीच्या मैदानात उतरतील तर उद्धव ठाकरे यांचा पाठिंबा असेल, अशी माहिती सूत्रांनी दिली आहे. अमित ठाकरे याला पाठिंबाचा देण्यात तर वरळीमध्ये आदित्य ठाकरे यांच्यासाठी देखील मनसे उमेदवार देणार नाही अशा हालचाली सुरूए. त्यामुळे भावी पिढीसाठी ठाकरे बंधु एकत्र येताना दिसतायत.

महाराष्ट्र नवनिर्माण सेनेचे युवा नेते अमित ठाकरे यांनी विधानसभा निवडणूक लढवावी असं मनसेच्या पदाधिकाऱ्यांची इच्छा होती. त्यानंतर आता अमित ठाकरे विधानसभा निवडणुकीच्या रिंगणात उतरणार असल्याचं सूत्रांकडून सांगण्यात आलं आहे.

अमित ठाकरे दादर- माहिम मतदारसंघातून रिंगणात उतरण्याची शक्यता

ठाकरे गट अमितविरोधात उमेदवार न देण्याची शक्यता

वरळीत मनसे आदित्यविरोधात उमेदवार देणार नसल्याची चिन्ह

मुलांसाठी ठाकरे बंधुंमध्ये निवडणुकीसाठी समझोता?

अमित ठाकरेंच्या पॉलिटिकल डेब्यूसाठी उद्धव काकांचं सहकार्य?

दरम्यान मनसे पदाधिकाऱ्यांनीही अमित ठाकरेंच्या नावाच्या चर्चेचं स्वागत केलंय.