महाराष्ट्रात आज विधानसभा निवडणुकीसाठी मतदान होतंय. यावेळी राज्यात एकूण 288 मतदारसंघ असून सकाळी 7 वाजल्यापासून मतदानाला सुरुवात झालीये. यामध्ये महाराष्ट्रातील मराठी सेलिब्रिटींनी देखील सकाळी मतदानाचा हक्क बजावला आहे. मराठमोठी अभिनेत्री सोनाली कुलकर्णी हिने सकाळी मतदान करत आला हक्क बजावला आहे.

सोनाली कुलकर्णीने केलं मतदान

मराठी अभिनेत्री सोनाली कुलकर्णी हिने आज सकाळी आकुर्डीमधील ज्ञान प्रबोधिनी मतदान केंद्रावर आपला मतदानाचा हक्क बजावला आहे. सोनाली कुलकर्णी हिने यावेळी पहिल्यांदाच अगदी सकाळी मतदानाचा हक्क बजावला आहे.

यंदाची ही होणारी विधानसभा निवडणूक ही संभ्रमित करणारी आहे. अनेक राजकीय पक्ष आणि त्यांचे उमेदवार आहेत त्यामुळे तुम्ही तुमच्या घरच्यांची चर्चा करून योग्य उमेदवाराला नक्की मतदान करा असा आवाहन यावेळी सोनाली कुलकर्णी हिने केलं आहे.

सुबोध भावेही बजावला मतदानाचा हक्क

अभिनेता सुबोध भावे यांनी बजावला असून कसबा मतदारसंघात त्याने मतदान केलं आहे. कसबा पेठेतील गुजराती प्रायमरी शाळेत जाऊन सुबोध भावेने मतदान केलं आहे. सुबोध भावेच्या म्हणण्यानुसार, मतदान नाही केलं तर तुम्हाला काही बोलण्याचा अधिकार तुम्ही गमावून बसता. त्यामुळे मतदानाचा हक्क सर्वांनी बजावला पाहिजे. महानगरपालिकेच्या निवडणुका लवकर घेतल्या पाहिजेत.