सचिन कदम, अलिबाग, साम टीव्ही

Shekap candidate List : शेतकरी कामगार पक्षाच्या उमेदवारांची घोषणा केल्यानंतर सरचिटणीस जयंत पाटील यांनी पत्रकार परिषदेत माहिती दिली. आम्ही प्रागतिक आघाडी म्हणून लढत आहोत. आम्ही आघाडीतून बाहेर पडणार असल्याची चर्चा आहे. पण त्या प्रकारचे कोणतेही कृत्य आमच्याकडून होणार नाही, असं जयंत पाटील यांनी स्पष्ट केले.

रायगडमधील अलिबाग मतदारसंघातून चित्रलेखा पाटील, पनवेल येथून बाळाराम पाटील, उरणमधून प्रितम पाटील, पेण मतदारसंघात अतुल म्हात्रे आणि नांदेडमधील लोहा खंदार येथून शामसुंदर शिंदे यांना उमेदवारी देण्यात आली आहे. दोन-तीन उमेदवारांची मागणी आहे. कोणताही वाद नाही. वातावरण आज युतीच्या विरोधात असून त्याला गालबोट लावणारे कृत्य आमच्याकडून होणार नाही, असेही जयंत पाटील यांनी स्पष्ट केले आहे.

शरद पवार शेकापसोबत

जयंत पाटील म्हणाले की, शरद पवार यांनी सांगितलं की मी स्वतः सांगोल्यामध्ये शेकापसोबत आहे. त्यामुळे शेकापला जागा मिळणार आहे. हे रडगाणं चार तारखेपर्यंत सुरूच राहणार आहे. यावेळी त्यांनी बोलताना सांगोल्याचा संभाव्य उमेदवारही जाहीर केला. बाबासाहेब देशमुख यांचं नाव जयंत पाटील यांनी संभाव्य उमेदवार म्हणून जाहीर केलं.

शेकापमधून आतापर्यंत कुणाकुणाला उमेदवारी?

रायगड जिल्ह्यातील अलिबाग विधानसभा मतदारसंघात चित्रलेखा पाटील या शेकापच्या उमेदवार असतील. तर पनवेल मतदारसंघ - बाळाराम पाटील, उरण - प्रितम पाटील, पेण - अतुल म्हात्रे आणि लोहा खंदार विधानसभा मतदारसंघात शामसुंदर शिंदे यांना उमेदवारी जाहीर करण्यात आली. सांगोल्यात संभाव्य उमेदवार म्हणून बाबासाहेब देशमुख असणार आहेत.