लातूर जिल्ह्यातील उदगीर मतदारसंघ नेहमी गाजलेला मतदारसंघ आहे. या मतदारसंघात थेट लढत शरद पवार गट आणि अजित पवार गटात झाली. सकाळ समूहाच्या एक्झिट पोलनुसार, या मतदारसंघात अजित पवार गटाचं वर्चस्व पाहायला मिळत आहे.

उदगीर विधानसभा मतदारसंघात अजित पवार गटाकडून संजय बनसोडे रिंगणात होते. तर शरद पवार गटाकडून सुधाकर भालेराव मतदारसंघात होते. उदगीर विधानसभा मतदारसंघ अजित पवारांच्या पाठिशी उभा राहतोय, असं दिसतंय. पक्ष फुटीनंतर झालेल्या निवडणुकीत मतदारसंघात अजित पवार गट बाजी मारताना दिसत आहे.

उदगीर मतदारसंघ हा अनुसूचीत मतदारसंघासाठी राखीव आहे. या मतदारसंघात राष्ट्रवादी विरुद्ध राष्ट्रवादी अशी लढत पाहायला मिळाली. या मतदारसंघात चुरशीची लढाई झाली. विकासाच्या मुद्दावर ही निवडणूक झाली. या दुरंगी लढतीत विद्यमान आमदार संजय बनसोडे विजयी होऊ शकतात.