नांदेड जिल्ह्यातील नऊ विधानसभा मतदारसंघापैकी लोहा-कंधार विधानसभा मतदारसंघात लाडक्या बहिणीच्या विरोधात लाडका भाऊ असा सामना रंगणार आहे. अजित पवार यांच्या राष्ट्रवादी पक्षाकडून माजी खासदार प्रताप पाटील चिखलीकर यांनी उमेदवारी अर्ज दाखल केला आहे. तर प्रताप पाटील चिखलीकर यांच्या भगिनी आशा श्यामसुंदर शिंदे यांनी देखील शेकाप पक्षाकडून उमेदवारी अर्ज दाखल केला आहे. त्यामुळे लोहा-कंधार विधानसभा मतदारसंघात लाडक्या बहिणीच्या विरोधात लाडका भाऊ असा सामना रंगणार आहे. लोहा-कंधार विधानसभा मतदारसंघातील सर्व बहिणींना राष्ट्रवादीचे उमेदवार प्रताप पाटील चिखलीकर यांनी आपला लाडका भाऊ प्रताप पाटील चिखलीकर यांच्यासोबत राहण्याचे आवाहन केले आहे.दरम्यान माझ्या भावाने त्याची जाण ठेवायला पाहिजे, पण त्यांनी त्याची जाण ठेवली नाही तर संपूर्ण मतदारसंघातील बंधू माझी जाण ठेवतील असा विश्वास आशा शिंदे यांनी व्यक्त केला.