शिवसेना शिंदे गटाकडून उमेदवारांची आज दुसरी यादी जाहीर करण्यात आली आहे. या यादीत मुंबईच्या अंधेरी पूर्व विधानसभेसाठी मुरजी पटेल यांना उमेदवारी जाहीर करण्यात आली आहे. तर वरळीतून मिलिंद देवरा यांना उमेदवारी देण्यात आलीय. मुरजी पटेल यांनी आजच भाजप मधून शिवसेना शिंदे गटात प्रवेश केला आहे.उद्या सकाळी अंधेरी पूर्वेतील संकट मोचक मारुती मंदिर या ठिकाणाहून ते आपला उमेदवारी अर्ज दाखल करण्यासाठी जाणार आहे.

लोकसभा खासदारांना सुद्धा शिवसेनेने संधी दिलीय. या यादीत २० उमेदवारांचा समावेश आहे. कुडाळमधून नीलेश राणे तर रिसोडमधून भावना गवळी यांना उमेदवारी देण्यात आली आहे. जास्तीत जास्त जागा आपल्याला मिळाव्यात असा शिवसेनेचा आग्रह आहे. त्यासाठी भले मित्रपक्षाकडून उमेदवार आयात करावा लागला तरी चालेल असं म्हणत शिवसेनेने आयात उमेदवारांना तिकीट दिलंय.