महाराष्ट्रात विधानसभा निवडणुकीच्या निकालाची उत्सुकता लागली आहे. २३ तारखेला मतमोजणी होईल. अशातच आता सकाळ समूहाचा एक्झिट पोल हाती आला आहे. कुडाळ मतदारसंघातून शिंदे गटाची सत्ता येण्याची शक्यता आहे. कारण निलेश राणे यांनी जास्तीत जास्त मत मिळण्याची शक्यता आहे.

कुडाळ मतदारसंघात यंदा चुरशीची लढत पाहायला मिळाली. या मतदारसंघात शिवसेना शिंदे गट विरूद्ध शिवसेना ठाकरे गट अशी लढाई होती. निलेश राणे यांच्याविरोधात वैभव नाईक आहेत. यातच आता कुडाळ मतदारसंघात शिंदे गटाचे पारडं जड असल्याचं चित्र दिसत आहे. निलेश राणे हे संभाव्य आमदार असण्याची शक्यता आहे.

कुडाळ मतदारसंघात बुधवारी मतदान पार पडलं. यावेळी मोठ्या प्रमाणात या ठिकाणी मतदारांमध्ये उत्साह दिसून आला. दरम्यान, कुडाळ मतदारसंघाकडे संपूर्ण राज्याचं लक्ष लागून राहिलं आहे. कारण ऐन निवडणुकीच्या तोंडावर निलेश राणेंनी भाजपला राम राम करत शिंदे गटात प्रवेश केला. गेल्या निवडणुकीत निलेश राणे भाजप या पक्षात होते. कुडाळ मतदारसंघात निलेश राणे यांच्याविरोधात वैभव नाईक हे उमेदवार निवडणुकीच्या रिंगणात आहेत.