Maharashtra Assembly election 2024: एकनाथ शिंदे यांच्या शिवसेनेच्या उमदेवार सुवर्णा करंजे यांच्याबद्दल केलेले वक्तव्य सुनील राऊत यांना भोवले आहे. सुनील राऊत यांच्याविरोधात सोमवारी रात्री विक्रोळी पोलीस स्टेशनमध्ये गुन्हा दाखल करण्यात आलाय. विधानसभा निवडणुकीचा प्रचार शिगेला पोहचलाय, प्रचारावेळी सुनील राऊत यांनी आक्षेपार्ह वक्तव्या केले. त्याप्रकरणी त्यांच्याविरोधात गुन्हा दाखल करण्यात आलाय. विक्रोळी पोलीस स्टेशनमध्ये रात्री उशीरा करंजे यांच्या तक्रीरीनंतर गुन्हा नोंदवण्यात आलाय.

विक्रोळी विधानसभेतील महायुतीच्या उमेदवार सुवर्णा करंजे यांच्याबाबत केलेले आक्षेपार्ह वक्तव्य करणे शिवसेना ठाकरे गटाचे नेते संजय राऊत यांचे भाऊ महाविकास आघाडीचे विक्रोळी चे उमेदवार सुनील राऊत यांना महागत पडले आहे. विक्रोळी पोलीस ठाण्यात याबाबत कलम ७९, ३५१(२), ३५६(२) बीएनएस अंतर्गत रात्री उशिरा करंजे यांच्या तक्रारीवरून गुन्हा दाखल करण्यात आला आहे.

२७ ऑक्टोबर रोजी सुनील राऊत यांनी टागोर नगर मध्ये आयोजित एका कार्यक्रमात महायुतीच्या उमेदवार करंजे यांच्या बद्दल आक्षेपार्ह वक्तव्य केले होते. कार्यकर्त्यांना संबोधित करताना, हिंदीमध्ये ते म्हणाले की, जब बकरा बनाना ही था, तो बकरी को मेरे गले मे डाल दी, अभी २० तारीख को काटेंगे बकरी को असे आक्षेपार्ह विधान केले होते. हा व्हिडिओ सोशल मीडियावर व्हायरल झाला. करंजे यांच्या तक्रारीवरून विक्रोळी पोलिसांनी सोमवारी रात्री उशिरा गुन्हा दाखल केला आहे. पोलिसांकडून याप्रकरणाचा पुढील तपास कऱण्यात येत आहे.