वसई विरारमध्ये बहुजन विकास आघाडीला जबर धक्का बसलाय. ३५ वर्ष एक हाती सत्ता असलेल्या वसई विरारमध्ये बहुजन विकास आघाडीच्या तिन्ही सीट पडल्या आहेत. वसई विधानसभेत हितेंद्र ठाकूर यांचा पराभव झालाय, भाजपच्या स्नेहा दुबे- पंडित आणि नालासोपारा विधानसभेत क्षितीज ठाकूर यांचा पराभव भाजपचे राजन नाईक यांनी केला. तर बोईसर विधानसभेत विद्यमान आमदार राजेश पाटील हे पराभूत झालेत तर तेथे शिवसेना शिंदे गटाचे विलास तरे हे विजयी झालेत.

हितेंद्र विष्णू ठाकूर हे वसईचे आमदार होते. तसंच बहुजन विकास आघाडीचे प्रमुख आहेत. पालघर हा त्यांचा बालेकिल्ला असून त्यांची जिल्ह्यात मोठी राजकीय ताकद आहे. ते 1988 पासून राजकारणात सक्रिय आहेत. काँग्रेसमधून त्यांनी आपल्या कारकिर्दीची सुरुवात केली होती.

वसई तालुका युवा काँग्रेसचे अध्यक्ष म्हणून त्यांची निवड करण्यात आली होती. नंतर 1990 मध्ये वयाच्या 29 व्या वर्षी पालघर जिल्ह्यातील वसई-विरारचे आमदार म्हणून ते निवडून आले होते. पण नंतर त्यांनी स्वत:चा वसई विकास मंडळ नावाचा राजकीय पक्ष स्थापन मात्र यावेळी त्यांचा पराभव झाला.

हितेंद्र ठाकूर यांनीच भाजप सरचिटणीस विनोद तावडे यांनी विरार येथील हॉटेलमध्ये पैशांसोबत पकडलं होतं. ठाकूर यांनीच विनोद तावडे यांना पैसे वाटण्यासंदर्भात जाब विचारला होता.