वंचित बहूजन आघाडीचे अध्यक्ष प्रकाश आंबेडकर आता विधानसभा निवडणुकीत ओबीसी,आदिवासींना प्राधान्य देण्याचा निर्णय घेतायत..लोकसभेला मराठा आंदोलनाचा फटका वंचितलाही बसला. या अनुभवातून वंचितने आता नवी मोट बांधायला सुरुवात केली आहे. त्यानुसार वंचित आदिवासी,मुस्लिम आणि ओबीसींना एकत्रित करणार आहे.

लोकसभा निवडणुकांपूर्वी वंचित बहुजन आघाडीने महाविकास आघाडीत प्रवेश करण्यासाठी बोलणी सुरु केली होती. ठाकरे गटासोबत वंचितची आघाडी पुढच्या टप्प्यांवरही गेली. मात्र जागावाटपावरुन बोलणी फिस्कटली आणि दोघांची फाटाफूट झाली. आता आंबेडकर नव्या समीकरणांसह विधानसभेला मैदानात उतरताना पाहायला मिळतायत. वंचितचा काय प्लॅन आहे पाहूया.

विधानसभेला वंचितची रणनीती

प्रकाश आंबेडकरांकडून ओबीसींना अधिकाधिक जागा देण्याचं प्लॅनिंग

ओबीसींना जागा देत थेट शरद पवारांना आव्हान

वंचित आदिवासी आणि ओबीसींना एकत्रित करणार

आदिवासींना अनारक्षित जागेवर लढवणार

वंचितच्या दुस-या यादीत सर्व 10 उमेदवार मुस्लीम

मराठा आंदोलनाचा फटकाही वंचितला बसला. या अनुभवातून वंचितने आता नवी मोट बांधायला सुरुवात केलीये.. त्यानुसार विधानसभेचं प्लॅनिगं केलं जातंय.यासाठी एक नवी आघाडी तयार केली जात असल्याची माहिती आंबेडकर यांनी दिली. दरम्यान, प्रकाश आंबेडकरांच्या या नव्या प्रयोगानं मविआचं टेन्शन वाढणार आहे,लोकसभेत मविआला वंचित फॅक्टरचा चार जागांवर फटका बसला.

वंचितचा प्लॅन, मविआला घाम ?

वंचितमुळे आघाडीला चार जागांवर फटका

अकोल्यात प्रकाश आंबेडकरांना 2 लाखांहून अधिक मतं, काँग्रेसच्या अभय पाटलांचा पराभव

बुलढाण्यात वंचित उमेदवाराला 98 हजार मतं, ठाकरे गटाचे नरेंद्र खेडेकर पराभूत

हातकणंगलेमध्ये वंचित उमेदवाराला 32 हजार मतं, ठाकरे गटाचे उमेदवार सत्यजीत पाटील यांचा पराभव

वायव्य मुंबईत वंचित उमेदवाराला 10 हजार मतं, ठाकरे गटाच्या अमोल कीर्तिकरांचा 48 मतांनी पराभव

प्रकाश आंबेडकरांसाठी आगामी विधानसभा निवडणूक त्यांचे राजकीय भवितव्य निश्चित करणारी आहे. लोकसभा निवडणुकीत त्यांचा तुटलेला जनाधार आणि कमी झालेली मतं विधानसभेत मिळवली तरच त्यांची पुढची राजकीय वाटचाल सुखकर होणार आहे. त्यामुळे प्रकाश आंबेडकरांच्या मनात असलेल्या दलित, मुस्लिम, ओबीसी आणि मायक्रोमायनॉरिटी या आघाडीचा त्यांना त्यांच्या पक्षाला फायदा होणार की मविआला फटका बसणार ? हेच पाहायचं.