भरत मोहोळकर, साम प्रतिनिधी

विधानसभा निवडणूक जाहीर झालीय. मात्र यंदाच्या विधानसभेत एक घर दोन पक्ष हा नवा ट्रेंड पहायला मिळतोय..या ट्रेंडमध्ये कोणते नेते आहेत? त्याबरोबरच राजकारणातील घराणेशाहीवरचा हा स्पेशल रिपोर्ट.

विधानसभा निवडणूक जाहीर झाल्यानंतर कुठल्याही परिस्थितीत सत्ता घरातच राखण्यासाठी राज्यात नवा ट्रेंड सुरु झालाय..उमेदवारीसाठी सख्खे नातेवाईक कुठे मित्रपक्षात तर कुठे विरोधकांच्या तंबूत दाखल झालेत. आतापर्यंत वडील आणि मुलगा, भाऊ-भाऊ यांच्यानंतर आता उमेदवारीसाठी काका-पुतण्या वेगवेगळ्या पक्षातून लढण्याची चर्चा रंगलीय.. मात्र या नव्या ट्रेंडमध्ये सहभागी झालेले नेते कोण आहेत? पाहूयात.

सात पिढ्या सत्ता घरात

बेलापूरमधून उमेदवारीसाठी भाजप नेते गणेश नाईकांचा मुलगा संदीप नाईक पवारांच्या पक्षात

कुडाळच्या उमेदवारीसाठी भाजप खासदार नारायण राणेंचा मुलगा निलेश राणेंच्या हाती धनुष्यबाण

संगमनेरमधून लढण्यासाठी राधाकृष्ण विखेंचा मुलगा सुजय विखे धनुष्यबाण हाती घेण्याची शक्यता

नांदगावमधून उमेदवारीसाठी छगन भुजबळांचा पुतण्या समीर भुजबळ तुतारी फुंकण्याची शक्यता

एकीकडे घराणेशाहीवर सातत्याने टीका करणाऱ्या भाजप आणि शिंदे गटाच्या यादीतही घराणेशाहीला रेड कार्पेट टाकण्यात आलंय..शिंदे गटाने 6 घराणेशाहीशी संबंधित उमेदवार दिले आहेत. नेमके कोणते नेते आहेत? पाहूयात

चिमणराव पाटलांचा मुलगा अमोल पाटलांना उमेदवारी

माजी खासदार आनंदराव अडसुळांचा मुलगा अभिजित अडसुळ यांना उमेदवारी

खासदार संदीपान भुमरेंचा मुलगा विलास भुमरेंना तिकीट

खासदार रवींद्र वायकरांच्या पत्नी मनिषा वायकरांना उमेदवारी

राजापूरमधून मंत्री उदय सामंत यांचे भाऊ किरण सामंतांना तिकीट

दिवंगत अनिल बाबर यांचा मुलगा सुहास बाबर यांना उमेदवारी

घराणेशाहीवर टीका करणाऱ्या एनडीएतील पक्षांनीच उमेदवारांच्या यादीत घराणेशाहीचा स्पष्टपणे पुरस्कार केलाय.. त्यामुळे हा मुद्दा भाजप आणि शिंदे गटासाठी डोकेदुखी ठरण्याची शक्यता आहे.