देशात लोकसभा निवडणुकीची घोषणा झाली आहे. सात टप्प्यांत होणाऱ्या सार्वत्रिक निवडणुकांचे निकाल ४ जून रोजी जाहीर होणार आहेत. सर्वच पक्ष आपापले उमेदवार जाहीर करत आहेत. दरम्यान, भाजप वरुण गांधींना पिलीभीतमधून तिकीट देणार की नाही हे अद्याप स्पष्ट झालेलं नाही. सूत्रांनी दिलेल्या माहितीनुसार, त्यांच्या जागी भाजपच्या वतीने जितिन प्रसाद किंवा संजय गंगवार यांना मैदानात उतरवले जाऊ शकते.
यातच समाजवादी पक्षाचे अध्यक्ष अखिलेश यादव यांनी वरुण गांधींबाबत एक महत्त्वाचं वक्तव्य केलं आहे. वरुण गांधी यांच्याबाबत सॉफ्ट कॉर्नर असल्याचं त्यांनी म्हटले आहे. यासोबतच त्यांनी बसपा प्रमुख मायावती यांच्यासोबत युतीबाबतही महत्वाची माहिती दिली आहे. ('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
'एबीपी न्यूज'ला दिलेल्या मुलाखतीत अखिलेश यादव वरुण गांधींबद्दल म्हणाले, "यावर अद्याप कोणतीही चर्चा झालेली नाही. वरुण यांच्यासाठी आमची दारे उघडी नाही, मात्र सॉफ्ट कॉर्नर आहे. भाजपचे लोक आमच्या उमेदवार त्यांच्या पक्षात घेण्यासाठी प्रयत्न करत आहेत. त्यांचा उमेदवार चांगला असेल तर, आम्ही वरून यांच्याबद्दल विचार करू.'' (Latest Marathi News)
अखिलेश यादव म्हणाले, ''इंडिया आघाडी लवकरच समान किमान कार्यक्रमची घोषणा करणार. तसेच सपा व्हिजन डॉक्युमेंट लवकरच प्रसिद्ध केला जाईल. यामध्ये शेतकऱ्यांना कसा दिलासा दिला जाणार, हे सांगण्यात येणार आहे. आमच्या व्हिजन डॉक्युमेंटमध्ये उत्तर प्रदेशसह देशातील शेतकऱ्यांची कर्जे माफ केली जावीत, हे आमच्या समान किमान कार्यक्रमात समाविष्ट केले जाईल.''
इंडिया आघाडीचे मायावतींसाठी दरवाजे उघडे आहेत का? असा प्रश्न त्यांना विचारला असता अखिलेश यादव म्हणाले की, ''आता निवडणुकीची तारीख आली आहे. आता युतीवर काय चर्चा करायची? होळीचा सण नसता तर नामांकने झाली असती. आता खूप उशीर झाला आहे.''
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.