राज्याच्या राजकारणात सध्या लोकसभा निवडणुकांचे वारे वाहु लागले आहेत. एकीकडे निवडणुकीची रणधुमाळी सुरू असतानाच महायुतीमध्ये उमेदवारीवरुन धुसफूस, नाराजीनाट्य पाहायला मिळत आहे. महायुतीमधील शिवसेना शिंदे गटाचे मावळ लोकसभेचे संभाव्य उमेदवार श्रीरंग बारणे यांना राष्ट्रवादीचे आमदार सुनील शेळके यांनी जोरदार विरोध केला होता. मात्र आता सुनील शेळके यांनी युटर्न घेण्याची तयारी दर्शवली आहे. (Maharashtra Loksaha Election 2024)
याबाबत अधिक माहिती अशी की, मावळ लोकसभेची जागा सध्या शिवसेना शिंदे गटाकडे असून याठिकाणी श्रीरंग बारणे (Shrirang Barne) यांना उमेदवारी मिळण्याची शक्यता आहे. मात्र श्रीरंग बारणे यांच्या उमेदवारीला राष्ट्रवादीचे आमदार सुनील शेळके यांनी विरोध दर्शवला होता. तसेच मावळ लोकसभेवर दावाही ठोकला होता. मात्र आता सुनील शेळके यांचा विरोध मावळल्याचे दिसत आहे.
सुरुवातीपासून मावळ लोकसभेत महायुतीचे उमेदवार श्रीरंग बारणे नको, अशी टोकाची भूमिका घेणारे राष्ट्रवादीचे आमदार सुनील शेळके (Sunil Shelke) आता यू टर्न घेण्याच्या तयारीत आहेत. अजित पवारांनी (Ajit Pawar) मावळ लोकसभेत धनुष्यबाण चालवा, असा आदेश देत बारणे हेच महायुतीचे उमेदवार असतील, असे संकेत दिले आहेत.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
आता "अजित दादा जे आदेश देतील, त्याचं पालन आम्ही करू. नरेंद्र मोदींना पंतप्रधान करण्यासाठी हेवेदावे बाजूला ठेऊ, असे म्हणत सुनील शेळके यांनी यूटर्न घेण्याची तयारी दर्शवली आहे. दरम्यान अजूनही उमेदवारी जाहीर झाली नाही त्यामुळे आमचा मावळ लोकसभेवर दावा आहे," असेही सुनील शेळके म्हणालेत. (Maharashtra politics News)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.