अभिजित देशमुख, रुपेश पाटील, साम टीव्ही प्रतिनिधी

एक मोठी बातमी समोर येत आहे. एकीकडे देशभरात लोकसभा निवडणुकीच्या मतमोजणीला सुरुवात झाली असताना कल्याण आणि पालघर लोकसभा जागांच्या मतमोजणी केंद्रात वायफाय बंद असून पत्रकारांना माहिती मिळण्यास विलंब होत असल्याची बातमी समोर आली आहे. त्याचप्रमाणे स्पीकरची सुद्धा व्यवस्था नाही. यामुळे आता पत्रकारांनी थेट मतमोजणी केंद्राबाहेर ठिय्या मांडला आहे.

दरम्यान, कल्याण लोकसभा मतदारसंघातून शिवसेनेकडून श्रीकांत शिंदे हे तिसऱ्यांदा निवडणुकीच्या रिंगणात आहेत. मिळालेल्या माहितीनुसार, प्रारंभिक कलमध्ये ते आघाडीवर आहेत. शिंदे हे 13,854 मतांनी आघाडीवर आहेत. तर त्यांच्या विरोधात निवडणूक लढवत असलेल्या ठाकरे गटाच्या उमेदवार वैशाली दरेकर या 23865 मतांनी पिछाडीवर आहे.