संदिप भोसले, धाराशिव| ता. १६ एप्रिल २०२४

धाराशिव लोकसभेचे महाविकास आघाडीचे उमेदवार ओमराजे निंबाळकर आज आपला उमेदवारी अर्ज दाखल करणार आहेत. ओमराजे निंबाळकर यांचा अर्ज दाखल करण्यासाठी शिवसेना ठाकरे गटाचे युवा नेते आदित्य ठाकरे उपस्थित राहणार आहेत. यावेळी लातूर विमानतळावर माध्यमांशी बोलताना आदित्य ठाकरे यांनी महायुती सरकावर जोरदार हल्लाबोल केला.

काय म्हणाले आदित्य ठाकरे?

"मराठवाड्यात अवकाळी पावसाने शेतकऱ्यांचे मोठे नुकसान झाले आहे. याकडे लक्ष द्यायला कोणाला वेळ नाही. कृषीमंत्री आहेत तरी कुठे ? असा सवाल यावेळी आदित्य ठाकरे यांनी उपस्थित केला. तसेच मंत्रालयात जाऊन गुंड रिल्स काढत आहेत. याकडे कोणाचे लक्ष आहे, सरकार म्हणून काही जबाबदारी आहे की नाही?" असेही आदित्य ठाकरे यावेळी म्हणाले.

"संविधान बदलणे ही देशासाठी धोक्याची घंटा आहे. पंकजा मुंडे आणि अनेक भाजपाच्या बड्या नेत्यांनी संविधान बदलू असं सांगितले आहे. त्यामुळे परिवर्तन होईल. लोक ओमराजे निंबाळकर आणि महाविकास आघाडीच्या उमेदवाराना निवडून देतील असंही यावेळी आदित्य ठाकरे म्हणाले आहेत. प्रकाश आंबेडकराना सोबत घेण्याचे प्रयत्न संपलेत का?" यावर मात्र आदित्य ठाकरे यांनी बोलन टाळले आहे.

दरम्यान, आज धाराशिवमध्ये (Dharashiv) आदित्य ठाकरे हे शिवसेना ठाकरे गटाचे उमेदवार ओमराजे निंबाळकर यांचा अर्ज भरण्यासाठी उपस्थित राहतील. त्यानंतर ते धाराशिवमध्ये सभेला देखील संबंधित करणार आहेत.