संजय सूर्यवंशी, नांदेड

Bachchu Kadu News :

आम्ही शमणारे नाही. त्यांची रक्ततपासणी करण्याची गरज आहे. आम्ही सागरातील लाटा आहोत असे प्रत्युत्तर आमदार बच्चू कडू यांनी आमदार नितेश राणे यांच्या टीकेला दिले आहे. राणेंनी उगाच मिठाचा खडा टाकू नये, असा सल्लाही आमदार बच्चू कडू यांनी राणेंना नांदेड येथे साम टीव्हीशी बाेलताना दिला आहे. (Maharashtra Lok Sabha Election News in Marathi)

आमदार बच्चू कडू हे सध्या भाजपवर नाराज झाले आहेत. महायुतीने अमरावती लाेकसभा मतदारसंघात नवनीत राणा यांना उमेदवारी दिल्याने आमदार बच्चू कडू आणि त्यांचे समर्थकांनी अमरावतीत वेगळी भूमिका घेण्याचे निश्चित केले आहे.

आमदार कडू यांच्या नाराजीवर बाेलताना ते सागर बंगल्यावर येऊन शमतील असे विधान आमदार नितेश राणे यांनी केले. त्यावर आमदार बच्चू कडू (Bachchu Kadu) यांनी प्रत्युत्तर दिले. ते म्हणाले राणे शमले असतील. त्यांची रक्ततपासणी केली पाहिजे. आम्ही शमणा-यांमधील नाही. आम्ही सागरातील लाटा आहोत. हे राणेंना माहित नाही.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

राणेंनी या बाबतीत बाेलू नये. राणेंनी उगाच यात मिठाचा खडा टाकण्याचा प्रयत्न करू नये. आम्ही अमरावती पुरतं लढतोय आणि मैत्री पूर्ण लढत आहोत. तरी तुम्हाला वाटत असेल आम्हाला छेडावे तर त्यात आमची काही हरकत नाही असेही आमदार बच्चू कडू यांनी नमूद केले.

Edited By : Siddharth Latkar