चुकीच्या जीवनशैलीमुळे सध्या अनेक आजार आपल्या मागे लागले आहेत. यामधील एक आजार म्हणजे उच्च रक्तदाब. जर कोणत्याही कारणाने रक्तदाब वाढला तर त्याचा तुमच्या हृदयावर वाईट परिणाम होतो. यामुळे हृदयाचं नुकसान होण्याची शक्यता असते. आपला रक्तदाब हा नेहमी योग्य प्रमाणात असला पाहिजे. मात्र अनेकदा जाणूनबुजून किंवा नकळत अशा अनेक गोष्टी करतो, ज्यामुळे रक्तदाब अचानक वाढू लागतो.

अचानक रक्तदाब वाढू नये यासाठी काही गोष्टींची काळजी घेण्याची गरज असते. मात्र अशी कोणती कारणं आहे, ज्यामुळे रक्तदाब वाढू शकतो, ते जाणून घेऊया.

कोणत्या कारणांमुळे वाढू शकतो रक्तदाब

व्यायाम केल्याने

वारंवार अधिक व्यायाम केल्याने रक्तदाबाची पातळी वाढण्याची शक्यता असते. जर एखाद्याला उच्च रक्तदाबाचा त्रास होत असेल तर त्यांना कोणता व्यायाम फायदेशीर आहे किंवा कोणता व्यायाम धोकादायक ठरू शकतं हे जाणून घेतलं पाहिजे.

कॅफेनचं अधिक सेवन

कॅफिन हा एक घटक आहे जो आपल्या शरीरात प्रवेश करताच रक्तदाब वाढू लागतो. मात्र, असे का घडते याचे मुख्य कारण अद्याप समजू शकलेले नाही. ज्या व्यक्तींना कॉफी प्यायची आवड आहे, त्यांनी हे लक्षात ठेवावं की, कॅफेनच्या सेवनाने त्यांच्या आरोग्यावर वाईट परिणाम होतो. त्यामुळे शक्यतो कमी प्रमाणात कॅफेनचं सेवन केलं पाहिजे.

ताणतणाव

तणाव, चिंता आणि नैराश्य ही अनेक आजारांची मुख्य कारणं मानली जातात. ज्यावेळी आपण तणावाखाली असतो तेव्हा तेव्हा शरीरातून अनेक हार्मोन्स बाहेर पडतात ज्याचा आपल्या आरोग्यावर नकारात्मक परिणाम होतो. अशावेळी जेव्हा तुमच्या तणावात वाढ होते तेव्हा रक्तदाब वाढण्याची शक्यता वाढते.

डिहायड्रेशन

डिहायड्रेशनमुळे देखील अनेकदा रक्तदाब अचानक वाढण्याची शक्यता असते. जेव्हा तुम्ही जास्त वेळ पाणी पीत नाही, तेव्हा शरीरात डिहायड्रेशन होऊ लागतं. यावेळी रक्त घट्ट होऊ लागतं, परिणामी हृदयाला मूव्हमेंट अधिक प्रयत्न करावे लागतात. अशा परिस्थितीत रक्तदाब अनेकदा वाढण्याची भीती असते.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत.