सणासुदीच्या काळात आपण अधिकतर गोडाचे किंवा मिठाईचे सेवन करतो. ज्यामुळे आपले वजन सहज वाढू लागते. स्वादिष्ट आणि चविष्ट पदार्थ खाल्ल्याने आपल्या आरोग्यावर त्याचा परिणाम होतो. यामुळे पचनसंस्था देखील खराब होते. (Latest Marathi News)

हल्ली अधिकतर तरुण पिढी ही वाढलेल्या वजनामुळे ग्रस्त आहे. वजन कमी करण्यासाठी योग्य व्यायामाबरोबर पुरेशा प्रमाणात आहार घेणे देखील महत्त्वाचे आहे. अशावेळी वजन कमी करण्यासाठी आहारात कोणत्या पदार्थांचे सेवन करायला हवे हे जाणून घेऊया

बीटाच्या ज्यूसमध्ये लोह असते. शरीरात लोहाची कमतरता होत नाही. तसेच यात असलेले फायबर हे पचनसंस्था निरोगी ठेवण्याचे काम करते. यामध्ये कॅलरीजचे प्रमाण खूपच कमी असते. त्यामुळे वजन कमी (Weight loss) होण्यासही मदत होते.

लिंबूमध्ये जीवनसत्त्व (Vitamins) क भरपूर प्रमाणात असते. त्यात अँटिऑक्सिडंट गुणधर्म आहेत. तसेच यात आले घातल्याने चयापचय गती वाढते. लिंबू आणि आल्यापासून बनवलेला रस तुमच्या शरीरातील विषारी पदार्थ काढून टाकण्याचे काम करतो.

तुम्ही सफरचंदाचा रसही सेवन करू शकता. यामध्ये फायबरचे प्रमाण जास्त असते. यामुळे पचनसंस्था निरोगी राहते. बद्धकोष्ठता आणि सूज पासून आराम देते. याचे सेवन केल्याने वजन झपाट्याने कमी होण्यासही मदत होते.

पालकमध्ये भरपूर प्रमाणात लोह असते. पालक किंवा कोबीपासून बनवलेला रसही पिऊ शकता. या भाज्यांमध्ये भरपूर फायबर आणि अँटिऑक्सिडंट गुणधर्म असतात. त्यांचे सेवन केल्याने वजन झपाट्याने कमी होण्यास मदत होते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.