Noodles Recipe : नूडल्स हा आपल्यापैकी बहुतेकांचा आवडता पदार्थ आहे. हा पटकन पण दुपारच्या किंवा रात्रीच्या जेवणासाठी कधीही तयार आणि खाऊ शकता. व्हेज नूडल्स, हक्का नूडल्स आणि शेझवान नूडल्स यांसारख्या लोकप्रिय प्रकारांसह नूडल्सचे विविध प्रकार उपलब्ध आहेत.

नूडल्सची आणखी एक खास गोष्ट म्हणजे हे व्हेज आणि नॉनव्हेज अशा दोन्ही प्रकारे बनवता येते. प्रत्येक प्रकारचे नूडल्स खायला खूप चवदार असतात. परंतु, अनेकांना एग नूडल्स खायला आवडते. जाणून घेऊया ते बनवायचे कसे

1. साहित्य

• 1 पॅकेट नूडल्स

• 2 अंडी

• 1 गाजर

• 1 सिमला मिरची

• १ मध्यम कांदा

• 1 टीस्पून व्हिनेगर

• 1/2 टीस्पून सोया सॉस

• 1/2 टीस्पून केचप

• 1 टीस्पून चिली सॉस

• चवीनुसार मीठ (Salt)

• गरजेनुसार काळी मिरी पावडर

• हिरवे कांदे

2. कृती

• सर्व प्रथम एका पातेल्यात पाणी (Water) घेऊन त्यात मीठ आणि नूडल्स घालून ५-६ मिनिटे उकळा.

• आता नूडल्स गाळून त्यात थोडे चमचा तेल टाकून 10-15 मिनिटे ठेवा.

• यानंतर एका भांड्यात अंडी, मीठ आणि काळी मिरी पावडर घालून मिक्स करा.

• आता त्यापासून ऑम्लेट बनवा आणि त्याचे लहान तुकडे करा. तुम्हाला हवे असल्यास तुम्ही अंड्याची भुर्जी बनवू शकता.

• यानंतर कढईत तेल टाकून सर्व भाज्या घालून २-३ मिनिटे मंद आचेवर तळून घ्या.

• आता नूडल्स, व्हिनेगर, सोया सॉस, मीठ, काळी मिरी, केचप आणि चिली सॉस घाला.

• सर्व साहित्य एकत्र सुमारे 2 मिनिटे शिजवा.

• आता शिजवलेले अंडे आणि स्प्रिंग ओनियन्स घाला, नीट ढवळून घ्या आणि आणखी एक मिनिट शिजवा आणि गरमागरम सर्व्ह करा.