Chanakya Niti :

महिलांचे हृदय इतके कोमल असते की त्या प्रत्येक गोष्टीवर भावूक होतात. अर्थातच त्या खूप हळव्या असतात. अनेक वेळा त्यांच्या या सवयीमुळे आजूबाजूचे लोक अस्वस्थ होतात. पण महिलांचे रडणे तुमच्या घरासाठी शुभ ठरू शकते.

याचा उल्लेख आचार्य चाणक्यांनी आपल्या नीतीशास्त्रात अतिशय उत्तम केला आहे. चाणक्यांनी असेही म्हटले आहे की ज्या महिला (Women) वारंवार रडतात त्यांना खूप महत्त्व आणि आदर दिला पाहिजे.

छोट्या छोट्या गोष्टींवर रडणाऱ्या बायकांची खासियत

चाणक्य नीतीनुसार, ज्या स्त्रिया प्रत्येक समस्येवर रडतात त्यांना पती आणि कुटुंबापासून दूर जायचे नसते. इतकंच नाही तर अशा महिलांना कुटुंब नेहमी एकत्र ठेवायचं असतं.

रडणाऱ्या महिलांच्या आत राग आणि कोणत्याही प्रकारचा तणाव (Stress) जमा होऊ शकत नाही. या सर्व गोष्टी त्या अश्रूमधून बाहेर काढतात.

ज्या स्त्रिया वेळोवेळी रडतात त्यांचे हृदय खूप कोमल असते. त्या लवकरच सर्वांच्या चुका विसरतात आणि त्यांना माफ करतात. अशा स्त्रिया फार काळ आपल्या मनात कोणतीही गोष्ट ठेवत नाहीत.

ज्या स्त्रिया कोणतीही चूक न करताही रडायला लागतात , त्यांच्या मनात कुटुंबाबद्दल अतूट प्रेम (Love) असते. अशा महिलांचे स्वत:पेक्षा त्यांच्या कुटुंबावर खूप प्रेम असते.

चाणक्य नीतीनुसार, ज्या महिला प्रत्येक बाबतीत रडतात त्या नेहमी इतरांच्या भावनांची काळजी घेतात. त्यांच्या स्वभावाची ही खासियत संपूर्ण कुटुंबाला त्यांचे प्रशंसक बनवते.