Signs of liver disease on hands saam tv
लाईफस्टाईल

Signs of liver disease on hands: लिव्हर खराब होत असताना हळूहळू हातांवर दिसून येतात 'ही' लक्षणं; वेळीच बदल ओळखून उपचार घ्या!

Hand symptoms liver problems: ज्यावेळी यकृताचं कार्य बिघडू लागतं किंवा ते खराब होऊ लागतं तेव्हा त्याची लक्षणे शरीराच्या विविध भागांवर दिसू लागतात, अगदी हातांवरही. ही लक्षणं ओळखणं खूप महत्त्वाचं आहे.

Surabhi Jayashree Jagdish

आजकाल धावपळीच्या आणि तणावपूर्ण जीवनशैलीमुळे अनेक लोकं त्यांच्या आरोग्याकडे दुर्लक्ष करतात. यावेळी वेळेवर खाणं-पिणं होत नाही त्याचप्रमाणे दिवसेंदिवस ऑफिसमध्ये काम, जंक फूडचं सेवन, झोप अपुरी याचा थेट परिणाम आपल्या जीवनावर होत असतो. यामध्ये हृदय लिव्हर आणि किडनीच्या समस्यांमध्ये वाढ होण्याचा धोका असतो.

नुकत्याच समोर आलेल्या एका केसनुसार, कामात व्यस्त असलेल्या एका मुलीला अचानक हातांमध्ये काही विचित्र बदल जाणवायला लागले. यावेळी हातांवर जळजळ, नखांमध्ये फरक, आणि सतत घाम येणं या समस्या तिला जाणवू लागल्या. ज्यावेळी तिने डॉक्टरांचा विचारलं तेव्हा, तिला फॅटी लिव्हरचा त्रास सुरू झाल्याचं समोर आलं होतं.

या केसनंतर फॅटी लिव्हरची लक्षणं हातावर देखील दिसून येतात असं समोर आलंय. त्यामुळे ही लक्षणं नेमकी काय आहे, ती जाणून घेणं गरजेचं आहे. जेणेकरून ही लक्षणं दिसून आल्यानंतर त्यावेळी वेळीच उपचार होऊ शकतील.

फॅटी लिव्हरची हातांवर दिसणारी लक्षणं

पामर एरिथेमा – हाताच्या पंज्यांवर लालसरपणा

हाताच्या पंज्यांवर जर नेहमीपेक्षा जास्त लालसरपणा जाणवत असेल तर ते लिव्हरच्या कामकाजावर परिणाम झाल्याचं लक्षण असू शकतं. हॉर्मोनल बदल आणि लिव्हरचे बिघडलेले कार्य यामुळे ही समस्या निर्माण होते.

डुप्युट्रेन कॉन्ट्रॅक्चर

या समस्येमध्ये हाताच्या तळव्यामध्ये त्वचा जाडसर होणं आणि बोटं वळायला लागणं ही फॅटी लिव्हरची सुरुवातीची लक्षणं असू शकतात. हे लिव्हरच्या गंभीर आजाराकडे इशारा देतं. त्यामुळे या लक्षणाकडे दुर्लक्ष करू नका.

नखांमध्ये बदल

जर तुम्हाला नखांवर कोणतेही बदल जाणवत असतील तर वेळीच डॉक्टरांची मदत घ्या. नखांवर पांढरे डाग दिसणं किंवा नखांच्या खालचा भाग निळसर दिसणं याचा संबंध ऑक्सिजनच्या कमीशी असतो. हे लिव्हरच्या खराब स्थितीमुळे होऊ शकतं.

हाताला खूप घाम येणं

जर हात विशेषतः पंज्यांना सतत घाम येत असेल किंवा तुम्ही कोणतेही शारीरिक काम करत नसाल तरीही तर हे मेटाबॉलिक डिसऑर्डर किंवा लिव्हर स्ट्रेसचं लक्षण असू शकतं.

हातांमध्ये खाज येणं किंवा जळजळ होणं

जेव्हा लिव्हर योग्य प्रकारे बाइल (पित्त) फिल्टर करू शकत नाही, तेव्हा ती शरीरात साठायला लागते. यामुळे हातांमध्ये खाज, जळजळ येण्याचा धोका असते. जर वारंवार हा त्रास होत असेल तर सावध व्हा.

फॅटी लिव्हरपासून बचावासाठी काय कराल?

  • संतुलित आणि पौष्टिक आहार घ्या

  • जास्त तेलकट, तळलेले पदार्थ आणि साखर कमी करा

  • दररोज शारीरिक हालचाल करा – चालणं, सायकलिंग, योगा

  • दारू किंवा व्यसनांपासून दूर रहा

  • दर 6 महिन्यांनी आरोग्याची तपासणी करा

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

PM Kisan Yojana: ही ६ कामे लगेच करा, अन्यथा मिळणार नाही पीएम किसान योजनेचा लाभ

Maharashtra Live News Update : सिडकोच्या घरांच्या किमती कमी करण्यासाठी विधान परिषदेमध्ये चर्चा

मोदी सप्टेंबरमध्ये निवृत्त होणार? मोहन भागवत यांच्या विधानावरुन खळबळ

8th Pay Commission: केंद्रीय कर्मचाऱ्यांसाठी आनंदाची बातमी! आठव्या वेतन आयोगात पगार ३४ टक्क्यांनी वाढणार

अगं बाई! भरमंडपातच नवरदेवाचा ऑफ कंट्रोल डान्स; 'ते' वागणं पाहून नवरीच झाली अवाक

SCROLL FOR NEXT