Sleep Deprivation and Deficiency :

आठवडाभर कमी झोपून वीकेंडला तुम्हालाही जास्त वेळ झोपण्याची सवय आहे का? आपल्यापैकी बरेच लोक असा विचार करतात. सुट्टीच्या दिवशी आपण झोपेची कमतरता भरुन काढतो.

तुम्हाला किती वेळ झोपण्याची गरज आहे? तुम्ही किती वेळ झोपू शकता? तुम्ही किती वेळेत झोपत आहात याला स्लिप डेट असे म्हटले जाते. झोपेच्या कमतरतेमुळे शरीरावर अनेक परिणाम होतात. अपुऱ्या झोपेमुळे आरोग्यावर (Health) कसा परिणाम होतो जाणून घेऊया.

1. सक्रीय न राहाणे

झोपेच्या कमतरतेमुळे शरीराला अधिक नुकसान होते. रात्री पुरेशी झोप न मिळाल्यास तुम्हाला दिवसा झोप येते. त्यामुळे डोळे सतत बंद होतात. शरीराची सर्कॅडियन लय विस्कळीत होते. या कारणांमुळे शरीर थकलेले राहाते. तसेच शरीरातील ऊर्जा कमी होते.

2. रोगप्रतिकारशक्तीवर परिणाम

पुरेशी झोप घेतल्यावर रोगप्रतिकारशक्ती मजबूत होते. तसेच अनेक आजारांपासून (Disease) बचाव होतो. पुरेशी झोप न मिळाल्यास प्रतिकारशक्ती हळूहळू कमकुवत होते. झोपेत असताना आपली रोगप्रतिकारक शक्ती अँटी -बॉडीज आणि साइटोकाइन्स तयार करते, जे आपल्या सूक्ष्मजंतूंना आपल्या शरीरात प्रवेश करण्यापासून रोखतात.

3. वजन वाढणे

झोपेचा आपला चयापचयावरही परिणाम होतो. झोपेच्या कमतरतेमुळे हे खराब होऊ शकते. शरीरातील सर्कॅडियन लय तुम्ही कधी झोपावे किंवा कधी खावे याविषयी माहिती देते. चयापचय विस्कळीत झाले तर तुमचे वजन वाढू शकते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.