मुंबई : मुलं जन्माला आल्यानंतर आई- आजीपासून सगळेच त्याचे लाड करत असतात. त्याची हवी तशी काळजी देखील घेत असतात.

हे देखील पहा -

लहान मुलांच्या डोळ्यांचे (Eye) सौंदर्य वाढवण्यासाठी आपल्याला घरात डोळ्यांना काजळ लावले जाते. तसेच नजर लागू नये म्हणून डोळ्यांपासून ते गाल हातापायाचे तळवे इथे देखील ते लावले जाते. पण काजळ डोळ्यांत लावल्याने डोळ्यांचे मोठ्या प्रमाणात नुकसान देखील होऊ शकते. पूर्वीच्या काळी लोक मुलांसाठी घरगुती काजळ बनवून त्यांच्या डोळ्यांत लावत असत पण बदलेल्या जीवनशैलीनुसार बाजारात अनेक नवनवीन बँडचे काजळ मिळतात ज्याचा वापर आपण बाळाच्या डोळ्यांसाठी करतो त्यामुळे त्याच्या डोळ्यांचे नुकसान होऊ शकते.

काजळात असणाऱ्या रसायनांमुळे लहान मुलांच्या डोळ्यांना संसर्ग तर होतोच परंतु, काजळ लावल्याने मुलांच्या मज्जासंस्थेवरही वाईट परिणाम होतो. काजळमुळे नुकसान कोणत्याही वयोगटातील व्यक्तीला होऊ शकते. मुले खूप नाजूक असल्यामुळे काजळ लावल्यानंतर त्यांच्या डोळ्यांना त्याचा अधिक त्रास होऊ लागतो. काजळ लावल्यानंतर मुले डोळे चोळू लागतात त्यामुळे काजळाचे कण डोळ्यांच्या आतमध्ये पोचतात ज्यामुळे संसर्गाचा धोका अधिक वाढतो व त्यामुळे मुलांच्या डोळ्यांमध्ये समस्या निर्माण होऊ शकतात.

काजळात असणारी शिसे मुलांसाठी (Child) खूप धोकादायक आहे. काजळाचा सतत वापर केल्याने शरीरात शिसे जमा होऊ शकतात. काजळाचा दीर्घकाळ वापर केल्याने मुलांच्या शरीरात शिशाचे प्रमाण वाढते, त्याचा परिणाम मज्जासंस्थेवर दिसू शकतो. तसेच त्याचा स्नायूंच्या विकासावर परिणाम होतो. त्यामुळे किडनीशी संबंधित आजारही होऊ शकतात. त्यासाठी मुलांना शिसे असणारे काजळ लावणे टाळा.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre