पैसे गुंतवण्यासाठी सुरक्षित मार्ग म्हणजे एफडी. आजकाल लोक शेअर मार्केट, स्टॉक मार्केट अशा अनेक ठिकाणी गुंतवणूक करतात. परंतु जेव्हा सुरक्षेचा प्रश्न येतो तेव्हा लोक एफडीला प्रधान्य देतात. अनेक बँका एफडीसाठी अनेक चांगले पर्याय देतात.
देशातील सर्वात मोठी एसबीआय बँक ग्राहकांना ७ दिवस ते १० वर्षांपर्यंतची एफडी ऑफर करते. एसबीआय ग्राहकांना नेहमी ३ टक्के तर ६.५ टक्के व्याज देते. तर ज्येष्ठ नागरिकांसाठी खास ३.५ ते ७.५ टक्क्यांपर्यंत व्याज देते. एसबीआयची एफडी ज्येष्ठ नागरिकांसाठी गुंतवणुकीचा चांगला पर्याय आहे.
जर ग्राहकानं नियमित एसबीआयच्या १० वर्षाच्या मॅच्युरिटी स्कीममध्ये एकरकमी ५ लाख रुपये जमा केले तर एसबीआयच्या आकडेवारीनुसार, ज्येष्ठ नागरिकांना वार्षिक ७.५ टक्के व्याजदर मिळेल. म्हणजेच ग्राहकांना एकूण १०,५१,१७५ रुपये मिळतील. व्याजातून ५ लाख ५१ हजार १७५ रुपये निश्चित मिळतील.
बँकाच्या एफडी खूप सुरक्षित मानल्या जातात. ५ वर्षांच्या टॅक्स सेव्हिंग एफडीवर कलम ८० सीमध्ये टॅक्स सूट फायदा मिळतो. एफडीवरील व्याज करपात्र आहे.
इनकम टॅक्सनुसार, एफडी स्कीमवर टॅक्स डिडक्शन ऑट सोर्स लागू आहे. म्हणजेच एफडीच्या मॅच्युरिटीवर मिळणारी रक्कम तुमचे उत्पन्न असेल. त्यावर तुम्हाला स्लॅब रेटनुसार कर भरावा लागेल. आयटी नियमांनुसार, ग्राहक कर सूट मिळवण्यासाठी फॉर्म १५/ १५ एच सादर करु शकतात.
Disclaimer : ही माहिती फक्त रेफरन्ससाठी वापरा. गुंतवणूक करण्यासाठी आर्थिक सल्लागाराकडून सल्ला घ्या.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.