Neck Pain And Headache Causes And Symptoms मानदुखी ही खूपच त्रासदायक असल्याने दैनंदिन कामांवरती त्याचा भयंकर परिणाम होतो. काही वेळा मानेशी संबंधित समस्या डोकेदुखीला कारणीभूत ठरतात, तर काहीवेळा डोकेदुखीमुळे मानदुखी होते. मानदुखी व डोकेदुखी यामागे अनेक कारणे असू शकतात. मानदुखीशी संबंधित डोकेदुखी सामान्यतः दीर्घकालीन स्वरूपाची असते. सर्व्हिकल नर्व्ह आणि मानेशी संबंधित समस्यामुळे सर्व्हिको-जेनिक डोकेदुखी निर्माण होऊ शकते. यामुळे मानदुखी, अकडलेपणा, मळमळ, दृष्टी धूसर होणे इत्यादी लक्षणे दिसून येतात.

मानदुखीची कारणे

• चुकीच्या आणि अवघडलेल्या शारीरिक स्थितीत सतत राहणे

• टेबलवर बसून दीर्घकाळ काम करणे

• मानेच्या स्नायूंमध्ये अकडलेपणा

• मानेच्या दुखापती

• मोबाईलचा वारंवार वापर

• झोपेच्या अयोग्य स्थिती

• मानेतील चिमटलेली नस

मानदुखीला कारणीभूत असणारे डोकेदुखीचे प्रकार

• मायग्रेन

मायग्रेन ही पुन्हा-पुन्हा होणारी डोकेदुखी आहे, ज्यात डोक्याच्या एका बाजूला मध्यम ते तीव्र वेदना होतात. मानसिक ताण, हार्मोन्समधील बदल, हवामानातील बदल, वारंवार उपाशी राहणे इत्यादी लक्षण मायग्रेनला कारणीभूत घटक ठरतात.

• टेम्पोरोमॅन्डिब्युलर जॉईंट (TMJ) डिसऑर्डर्स:

TMJ डोकेदुखी ही कानाजवळ सुरू होणारी सौम्य वेदना असते आणि ती कानदुखीसारखी वाटू शकते. त्यानंतर त्याचा प्रभाव वाढून डोकेदुखी निर्माण होते. आनुवंशिकता, स्नायू किंवा लिगामेंट्सची झीज, स्नायूंचा थकवा किंवा कमकुवतपणा, जबड्याचा संधिवात इत्यादी लक्षण टेम्पोरोमॅन्डिब्युलर जॉईंट डिसऑर्डर्सला कारणीभूत घटक ठरतात.