Narali Purnima 2023 Date : श्रावण महिना हा सणांचा महिना म्हणून ओळखला जातो. या महिन्यात अनेक सणांची सुरुवात होते. नागपंचमीनंतर येणारा दुसरा सण अर्थात नारळी पौर्णिमा-रक्षाबंधन. श्रावण महिन्यातील शुक्ल पक्षातील पौर्णिमेला नारळी पौर्णिमा असे म्हटले जाते. नारळी पौर्णिमेच्या सणाला श्रावणी पौर्णिमा म्हटले जाते.

यंदा नारळी पौर्णिमा ही ३० ऑगस्ट रोजी साजरी केली जाणार आहे. नारळी पौर्णिमा हा सण रक्षाबंधनाच्या दिवशी साजरा केला जातो. भद्राचं सावट असल्यामुळे रक्षाबंधन ही ३१ ऑगस्टला साजरी केली जाईल. या दिवशी कोळी बांधव समुद्राची मनोभावे व विधीवत पूजा करतात. हा सण अगदी धूमधडाक्यात साजरा करतात. या दिवशी कोळी बांधव समुद्राची पूजा करुन नारळ अर्पण करतात. या दिवसानंतर वाऱ्याचा जोर व दिशा बदलण्यासाठी कोळी बांधव समुद्र देवतेला आवाहन करतात.

1. नारळी पौर्णिमेचे महत्त्व

नारळी पौर्णिमा ही महाराष्ट्र व त्या लगत असणाऱ्या कोकणी प्रदेशात मोठ्या उत्साहात साजरी केली जाते. कोळी बांधव दर्या राजाला शांत करण्यासाठी हा सण साजरा करतात. पावसाळ्यात समुद्राला (Sea) भरती आल्यामुळे व कोळी बांधवांना मासेमारी करण्यासाठी समुद्राची पूजा करुन त्याला शांत करण्याचा प्रयत्न करतात. मच्छीमार पाण्यात (Water) सुरळीत प्रवासासाठी (Travel) समुद्र-देव वरुणाची पूजा करतात. या दिवशी कोळी बांधव समुद्र ठिकाणी नृत्य आणि गायनाचा कार्यक्रम आयोजित करतात.

2. पूजा पद्धत

नारळी पौर्णिमेच्या दिवशी भगवान शंकराचीही पूजा केली जाते. असे म्हटले जाते की, नारळ हा भगवान शिवाला अंत्यत प्रिय असल्यामुळे तो अर्पण केला जातो. दक्षिण भारतात या दिवशी उपनयन किंवा यज्ञ विधी मोठ्या प्रमाणावर केले जाते.

टीप : येथे दिलेली माहिती धार्मिक मान्यता आणि गृहितकांवर आधारित आहे. साम टीव्ही त्याचे समर्थन करत नाही.