मुंबईच्या विविध उपनगरांमधील एक बदलापूर शहर येथील निसर्गरम्य वातावरणाने जगप्रसिद्ध आहे. बदलापुरमध्ये अनेक धबधबे आणि ऐतिहासिक ठिकाणे देखील आहेत. आज आम्ही तुम्हाला याच बदलापूरमधील काही मजेशीर आणि हिडन प्लेस बद्दल माहिती सांगणार आहोत.

चंदेरी ट्रेक

चंदेरी हा वांगणीमधील एक सुंदर किल्ला आहे. हा किल्ला येथे असलेल्या व्ही आकाराच्या डोंगरामुळे आणखी आकर्षक वाटतो. चंदेरी सह्याद्री पर्वत रांगेतील एक अद्भुत डोंगर आहे. पावसाळ्यात तुम्हाला ट्रेकिंगची आवड असेल तर तुम्ही येथे नक्की भेट देऊ शकता.

ताहुली शिखर

अंबरनाथ ते बदलापूर या दोन शहरांदरम्यान ताहुली शिखर आहे. तुम्ही येथे ट्रेनने प्रवास करत असाल तर हे शिखर तुम्हाला नेहमी पाहायला मिळत असेल. पावसाळ्यात तुम्ही येथे मजेत ट्रेकींगचा आनंद घेऊ शकता. वन डे ट्रिपसाठी देखील हे ठिकाण उत्तम आहे. तुम्ही येथे सुद्धा छान एन्जॉय करू शकता.

बारवी धरण

बदलापूरपासून जवळपास १५ किलोमीटर अंतरावर बारवी धरण आहे. पावसाळ्यात नेहमीच येथे गर्दी असते. बारवी धरणावरून घसरून आजवर काही व्यक्ती दगावल्यात देखील. मात्र येथे आपण स्वत:ची व्यवस्थित काळजी घेतल्यास पाण्यात भिजण्याचा मनसोक्त आनंद लुटू शकता.

खंडोबा मंदिर

बदलापूरमधील खंडोबा मंदिर संपूर्ण शहरात प्रसिद्ध आहे. बदलापूरच्या मुळगाव या गावात सदर मंदिर आहे. मंदिराच्या चारही बाजुने डोंगर आणि हिरवळ पसरली आहे. हे मंदिर एका उंच डोंगरावर बांधलं आहे. दरवर्षी येथे खंडोबाची मोठी यात्रा देखील भरते.