February Gruh Pravesh 2024 Date:

नवीन फ्लॅट किंवा बंगल्यामधील गृह प्रवेश असो किंवा एखाद्या दुकानाचं गृह प्रवेश यासाठी आपण शुभ मुहूर्त पाहत असतो. घराची भरभराट व्हावी आणि समृद्धी मिळावी यासाठी गृहप्रवेशाची पूजा केली जाते. यामुळे योग्य मुहूर्तावर हा विधी केला गेला पाहिजे. हिंदू धर्मात कोणतेही काम सुरू करण्यापूर्वी शुभ वेळ आणि तारीख पाहिली जाते. शुभ वेळी केले गेलेले काम दीर्घकाळापर्यंत लाभकारी असते, अशी धार्मिक मान्यता आहे. (Latest News)

गृह प्रवेशाची पूजा केल्याने घकरातील नकारात्मक शक्ती दूर जात असते. घरात एक पॉझिटीव्हीटी निर्माण होत असते. गृह प्रवेशाची पूजा न करता घरात राहणं हे अशुभ मानलं जातं.जर तुम्ही फेब्रुवारी महिन्यात नवीन घरात प्रवेश करण्याचा विचार करत असाल तर तुमच्यासाठी ही बातमी महत्त्वाची आहे. या महिन्यात ६ शुभ तिथी येत असून त्यादिवशी तुम्ही गृहप्रवेश करू शकतात. ज्योतिषाचार्य अंशू पारिक यांनी माध्यमांना या मुहूर्ताची माहिती दिली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

फेब्रुवारी २०२४ मधील गृह प्रवेशाचे शुभ मुहूर्त

• १२ फेब्रुवारी २०२४ - दुपारी ०२.५४ मिनीट ते संध्याकाळी ५.४४ मिनिटपर्यंत मुहूर्त असेल.

• १४ फेब्रुवारी - सकाळी ७ वाजून १ मिनीट ते सकाळी १० वाजून ४३ मिनिटापर्यंत असेल.

• १९ फेब्रवारी - सकाळी ७ वाजून ५७ मिनिटापासून ते सकाळी १० वाजून ३३ मिनिटापर्यंत असेल .

• २४ फेब्रुवारी- सकाळी ६ वाजून ५० मिनिटापासून ते २७ फेब्रुवारी सकाळी ४ वाजून मिनिटापर्यंत असेल.

• २६ फेब्रुवारी - सकाळी ४ वाजून १८ मिनिटांपासून ते २९ फेब्रुवारी सकाळी ६ वाजून ४७ मिनिटांपर्यंत असेल.

• २९ फेब्रवारी - सकाळी ६ वाजून ४७ मिनिटापाससून ते सकाळी १० वाजून २२ मिनिटापर्यंत असेल.

कधी करू नये गृह प्रवेश

शास्त्रानुसार राहु काळात गृह प्रवेश कधीच करू नये. हिंदू धर्मात राहुकाळ हा अशुभ मानला जातो, त्यामुळे या काळात कोणतेही शुभ किंवा मंगल कार्य केले जात नाही. शुक्र आणि गुरू अस्त असतानाही घरात प्रवेश करण्यास मनाई आहे. भाद्र काळातही घरात प्रवेश करू नये. याशिवाय मंगळवार आणि रविवार हे गृहप्रवेशासाठी चांगले दिवस मानले जात नाहीत. प्रत्येक महिन्याचा कृष्ण पक्षातील काही काळ गृहप्रवेशासाठी चांगला मानला जातो. तर शुक्ल पक्षामधील ठराविक तारखेला गृहप्रवेश करणं योग्य असते.