Lakshmi Pujan Shubh Muhurt 2023 :

दिवाळी हा सण आनंदाचा, उत्साहाचा, प्रकाशाचा आणि दिव्यांचा सण. हिंदू धर्मात दिवाळीला खास महत्त्व आहे. दिवाळी हा सण मोठ्या उत्साहात आणि थाटामाटात साजरा केला जाणारा सण.

बाजारात सर्वत्र दिवाळीची लगबग पाहायला मिळते आहे. आकाशकंदील, रांगोळ्या, रंग, दिवे, फटाके आणि फराळ अशा रेलचेल पाहायला मिळते आहे. आश्विन कृष्ण पक्षातील चतुर्दशीला लक्ष्मीपूजन साजरे केले जाते. यंदा हा सण १२ नोव्हेंबरला साजरा केला जाणार आहे. या दिवशी देवी लक्ष्मी आणि श्रीगणेशाची विशेष पूजा केली जाते. या पूजेसाठी लागणारे साहित्य कोणते जाणून घेऊया. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

1. दिवाळी पूजा साहित्य

दिवाळीत (Diwali) पूजा करताना चौरंग, लाल वस्त्र, लक्ष्मी-गणेशाची मूर्ती, हळदी, कुंकू, गंध, सुपारी, लवंग, अगरबत्ती, दिवा, तूप, गंगाजल, पंचामृत, फुले, फळे (Fruit), कापूर, कापूस, गहू, दुर्वा, बत्ताशे, चांदीची नाणी, कलश, नारळ, देठाची पाने आदी साहित्य असावे.

2. लक्ष्मी पूजनाची योग्य वेळ

दिवाळीचा प्रदोष काळ संध्याकाळी ०५.२९ ते ०८.०८ पर्यंत, वृषभ काळ संध्याकाळी ०५.३९ ते ०७.३५ पर्यंत आणि रात्री ११. ३९ ते १२. ३२ पर्यंत आहे. दिवाळीच्या दिवशी या शुभ मुहूर्तावर पूजा करणे शुभ मानले जाते.

3. दिवाळीत श्रीगणेश- देवी लक्ष्मीची मूर्ती कशी असावी?

• दिवाळीत देवी लक्ष्मी आणि श्रीगणेशाची मूर्ती तुटणार नाही याची काळजी (Care) घ्यावी.

• या काळात आपण लक्ष्मी देवीचा फोटो देखील वापरु शकतो.

• दिवाळीच्या दिवशी दरात रांगोळी काढा, दिवे लावा आणि लक्ष्मी देवीला प्रसन्न करण्यासाठी पूजा करा.