Diabetes Symptoms :

जगभरात मधुमेहाच्या आजाराने अनेक लोक त्रस्त आहे. या आजाराचा त्रास अनेकांना सहन करावा लागत आहे. सर्वच वयोगटातील लोकांना मधुमेहाचा आजार आहे. मधुमेहामुळे जवळपास शरीरातील सर्व अवयवांवर परिणाम होऊ शकतो. त्यामुळे त्यावर नियंत्रण ठेवणे अत्यंत गरजेचे आहे.

रक्तातील साखरेची (Sugar) पातळी कमी झाली नाही, तर त्याचा तुमच्या शरीराच्या इतर अवयवांसह तुमच्या किडनीवर वाईट परिणाम होतो. मधुमेहाचा (Diabetes) आजार अधिक काळ राहिल्याने नेफ्रोपॅथीची समस्या उद्भवू शकते. त्यामुळे मधुमेहाच्या रुग्णांनी विशेष काळजी (Care) घ्यायला हवी. जाणून घेऊया त्याबद्दल. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

1. मधुमेह नेफ्रोपॅथी म्हणजे काय?

मधुमेह नेफ्रोपॅथीला किडनी रोग असेही म्हणतात. अनियंत्रित मधुमेहामुळे होणाऱ्या या आजारात किडनीचे नेफ्रॉन खराब होऊ लागतात. ज्यामुळे किडनी विषारी द्रव्ये व्यवस्थित फिल्टर करु शकत नाही. परंतु, काही गोष्टींची काळजी घेतल्यास त्याचा धोका कमी होऊ शकतो.

2. लक्षणे कोणती?

• चेहरा, हात आणि पाय सुजणे

• धाप लागणे

• भूक न लागणे

• मळमळ वाटणे

• उलट्या

• उच्च रक्तदाब

• थकवा

• त्वचा कोरडी पडते

3. मधुमेह कसा रोखायचा?

• मधुमेह आणि रक्तदाब नियंत्रित करण्यासाठी रक्तदाबावर उपचार करुन तो नियंत्रणात ठेवण्याचा प्रयत्न करा

• आहारात सोडियम, प्रथिने आणि पोटॅशियमचे प्रमाण नियंत्रित करा. याचे प्रमाण अतिरिक्त झाल्यास किडनीवर दाब पडतो, ज्यामुळे नेफ्रॉनचे नुकसान होऊ शकते.

• जर तुम्हाला स्मोकिंग करण्याची सवय असेल तर त्याचा परिणाम किडनीवर होऊ शकतो. ज्यामुळे आरोग्याचे नुकसान होऊ शकते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.