ज्योतिषशास्त्रानुसार, शनिदेवाच्या आशिर्वादामुळे जीवनात आनंद, समृद्धी आणि स्थिरता येण्यास मदत होणार आहे. अशा परिस्थितीत शनिवारी काही विशेष उपाय कऱणं केवळ आर्थिक समस्यांपासून मुक्तता देत नाही तर प्रलंबित कामंही यावेळी पूर्ण होतात.

शनिदेव न्यायाचे देव आहेत आणि ते कर्मानुसार फळ देतात असं तज्ज्ञांचं म्हणणं आहे. जर एखादी व्यक्ती प्रामाणिकपणा आणि सेवाभावाने आपलं जीवन जगली तर शनिदेव त्याच्या सर्व समस्या सोडवतात. त्याचबरोबर गरीब आणि गरजूंवर अन्याय करणाऱ्यांना शनिदेवाच्या प्रतिगामी दृष्टीचा सामना करावा लागू शकतो.

शनिवारच्या दिवशी करा हे खास उपाय

शनिवारी शनिदेवांना प्रसन्न करण्यासाठी विशेषतः या दिवशी मोहरीच्या तेलाचा दिवा लावण्याची परंपरा आहे. अशी मान्यता आहे की, यामुळे केवळ शनिदेव प्रसन्न होत नाहीत तर पितृदोषही शांत होतो. यावेळी घरात तुपाचा दिवा लावल्याने भगवान विष्णू आणि माता लक्ष्मीचा आशीर्वाद देखील मिळतो.

यावेळी तुम्ही दुसरा उपाय करू शकता की, शनिवारी संध्याकाळी शनी मंदिरात जाऊन मोहरीच्या तेलाने भरलेल्या भांड्यात स्वतःचा चेहरा पाहून शनिदेवाला अर्पण करा. हा उपाय शनिदोष दूर करण्यासाठी उपयुक्त मानला जातो.

पिंपळाची पूजा फायदेशीर

शनिवारी पिंपळाच्या झाडाची पूजा करणं देखील खूप फायदेशीर मानलं जातं. स्नान आणि ध्यान केल्यानंतर, गंगाजलात काळे तीळ मिसळून पिंपळाला अर्घ्य अर्पण केल्याने शनीचा आशीर्वाद मिळण्यास मदत होते. त्याचप्रमाणे पिंपळाची परिक्रमा करून शनिदेवाचं स्मरण केल्याने आर्थिक समस्या हळूहळू संपतात.

दान केल्याने मिळतं पुण्य

शनिवारी केलेले दान विशेष फलदायी मानण्यात येतं. यामध्ये चामड्याचे बूट, काळे तीळ, काळे कपडे, उडीद डाळ, छत्री आणि लोखंडी वस्तू दान केल्याने शनिदेवाचा विशेष आशीर्वाद मिळण्यास मदत होते. असं म्हटलं जातं की, शनिदेव चांगले कर्म करणाऱ्यांना आयुष्यात प्रगती आणि किर्ती देतात.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)