चुकीची जीवनशैली, खाण्यापिण्याच्या सवयी यामुळे आपल्याला आरोग्याच्या अनेक समस्यांना सामोरे जावे लागते. हल्ली वृध्दत्व हे ३० ते ४० वयातच दिसू लागले आहे. यात केस अकाली पांढरे होणे, गुडघे दुखी व इतर अनेक आरोग्याचा समस्या दिसून येत आहेत. त्यासाठी अशाच 5 वाईट सवयींबद्दल सांगणार आहोत, ज्या तुम्हाला अकाली वयात येण्‍यास भाग पाडू शकतात. (Latest Marathi News)

अॅक्टिव्ह नसणे : वर्क फ्रॉम होम सारख्या वर्किंग कल्चरचा अवलंब केल्यामुळे बहुतेक लोक आता काम करण्यास कमी सक्रिय झाले आहेत. त्याची शारीरिक हालचाल इतकी कमी झाली आहे की, ते रोजच्या कामात आळशी होताय. त्याचा शरीरावर वाईट परिणाम होतो.

तणाव: ही एक अशी समस्या आहे, जी अकाली वृद्धत्वाव्यतिरिक्त आपल्यासाठी घातक देखील ठरू शकते. आजकाल तणावामुळे लोकांना अनेक आजार होत आहेत, त्याचप्रमाणे त्यांचे केस देखील अकाली पांढरे होऊ लागले आहेत. जर तुम्हाला तणाव घेण्याची सवय असेल तर त्याकडे नक्कीच दुर्लक्ष करण्याचा प्रयत्न करा.

चुकीचा आहार : असं म्हटलं जातं की जर जेवण योग्य नसेल तर आपले शरीर वेळेपूर्वी म्हातारे दिसू लागते. जंक आणि प्रक्रिया केलेले खाद्यपदार्थ आपल्या दिनचर्येचा एक भाग बनले आहेत, जे आरोग्यासाठी (Health) अत्यंत हानिकारक मानले जातात.

नशा: लोकांना थोड्याशा तणावाने धूम्रपान किंवा मद्यपानाचे व्यसन लागते. आजकाल तरूणांमध्ये याचा ट्रेंड खूप वाढला आहे, पण ही सवय तुम्हाला अकाली म्हातारी बनवू शकते, तसेच ती घातकही ठरू शकते.

पुरेशी झोप न घेणे : तरुणांमध्ये गॅजेट्सचे प्रमाण इतके वाढले आहे की त्याचा परिणाम त्यांच्या झोपेवरही होतो. झोपेच्या कमतरतेमुळे डोळ्यांखाली (Eye) काळी वर्तुळे आणि चेहऱ्यावर सुरकुत्या पडतात आणि या समस्या दर्शवतात की तुम्ही लवकर वृद्ध होत आहात.