महाराष्ट्र विधानसभा निवडणुकीमध्ये महायुती सरकारच्या माझी लाडकी बहीण योजनेची बरीच चर्चा झाली होती. आणि याचमुळे महायुतीला बहुमत मिळवण्यात देखील यश आलं.

जुलैमध्ये राज्य सरकारने ही योजना सुरु केली असून या योजनेअंतर्गत राज्यातील महिलांना दरमहिना दीड हजार रुपये देण्यात आले.

जुलैपासून या महिलांना नोव्हेंबरपर्यतचा हप्ता महिलांना मिळाला आहे. आता डिसेंबरचा हप्ता लवकरच मिळणार असून महिला या हफ्त्याच्या प्रतिक्षेत आहेत.

भाजपाचे नेता सुधीर मुनगंटीवार यांनी नुकत्याच दिलेल्या एका मुलाखतीत अत्यंत महत्त्वाची गोष्ट सांगितली. ते म्हणाले की, ज्या महिलांचे अर्ज बाद होतील त्यांना योजनेचा लाभ मिळणार नाही.

ज्या कुटुंबाचे वार्षिक उत्पन्न हे अडीच लाखांपेक्षा जास्त आहे, अशा लाडक्या बहिणींना यापुढे लाडकी बहीण योजनेचा लाभ मिळणार नाहीये.

त्याचप्रमाणे ज्या महिला कर भरतात त्यांनाही या योजनेचा लाभ मिळणार नाही, अशीही माहिती आहे.

या योजनेसाठी जे यापूर्वी निकष आहेत तेच कायम राहणार आहेत. यामुळेच या निकषात न बसणाऱ्या महिलांना मुख्यमंत्री लाडकी बहीण योजनेचे पैसे मिळणार नाहीयेत.