नवी मुंबईतील सीबीडी बेलापूर परिसरात आज शनिवारी पहाटे ५ वाजेच्या सुमारास मोठी दुर्घटना घडली.

सीबीडी बेलापूर परिसरातील शहाबाज गावात असलेली ४ मजली रहिवासी इमारत कोसळली.

इमारत कोसळण्याआधी रहिवाशांनी रस्त्यावर धाव घेतली होती. त्यामुळे मोठी जीविहानी टळली.

मात्र, इमारतीत २ ते ३ लोक अडकल्याची भीती व्यक्त केली जात आहे. त्यांना बाहेर काढण्यासाठी शर्थीचे प्रयत्न सुरू आहे.

इमारत कोसळल्याची माहिती मिळताच घटनास्थळी अग्निशमन दलाचे जवान आणि पोलिस दाखल झाले आहेत.

सीबीडी बेलापूर परिसरातील शहाबाज गावात ४ मजली रहिवासी इमारत आहे. या इमारतीच्या तळमजल्यावर एक सलून आहे.

शनिवारी पहाटे ५ वाजेच्या सुमारास सलूनचालकाला अचानक इमारतीत कंपण होत असल्याचे जाणवले. त्याने तातडीने आरडाओरड सुरू केली.

त्यामुळे परिसरातील नागरिक जमा झाले. त्यांनी इमारतीतील तिन्ही मजल्यावर असलेल्या रहिवाशांना तातडीने बाहेर काढले. मात्र, यावेळी काहीजण ढिगाऱ्याखाली गाडले गेले.