दिलीप कांबळे,साम प्रतिनिधी

वडगाव मावळ येथील श्रीक्षेत्र पोटोबा महाराज मंदिरात विठ्ठल परिवार मावळच्या वतीने महाचंडी आणि महापर्जन्य याग यज्ञाचे आयोजन करण्यात आले आहे. सकाळ सात वाजता पासून सुरू झालेल्या या यज्ञामध्ये सहा हजार भाविक सहभागी होणार आहे.

या यज्ञामध्ये 61 कुंडाच्या भोवती साडेतीनशे जोड्या बसविण्यात आले आहे. सकाळी नऊ वाजता पासून सायंकाळी पाच वाजता पर्यंत हा यज्ञ चालणार आहे.

त्यानंतर गंगा आरती होणार आहे. राज्यसह मावळात दुष्काळ सदृश्य परिस्थिती निर्माण झालेली आहे.

त्यामुळे शेतकऱ्यावर आलेले संकट आणि मावळतील शेतकऱ्यांना सुख-समृद्धी लाभण्यासाठी. या यज्ञाचे आयोजन केले आहे.

या यज्ञाला मावळच्या पंचक्रोशीतून मोठा प्रतिसाद मिळत आहे. सुखी मावळ, समृद्ध मावळ, निरोगी मावळ या पवित्र संकल्पनेतून यज्ञाचे आयोजन करण्यात आले आहे.

या यज्ञात नागरिकांसोबतच मावळचे आमदार सुनील शेळके सह पत्नी सहभागी झाले आहेत.