बम बम भोले, हर हर महादेवचा जयघोष करत भाविकांनी महादेवाचे दर्शन घेत आहेत. महाशिवरात्रीनिमित्त त्र्यंबकेश्वर, घृष्णेश्वर ज्योतिर्लिंग मंदिरात भाविकांनी मोठी गर्दी केलीय. राज्यातील महादेवाचे मंदिरांवर सुंदर फुलांची सजावट करण्यात आलीय.

श्री क्षेत्र भिमाशंकरला भाविकांची गर्दी

हर हर महादेव ओम नमः शिवाय चा जयघोष करत बारा ज्योतिर्लिंग यात्रेत भाविक मोठ्या संख्येने सहभागी झालेत भिमाशंकरला भाविक भक्तांमध्ये महादेवाच्या नामाचा जल्लोषाने महादेवाची नगरी दुमदुमून गेलीय.

आकर्षक विद्युत रोषणाईमुळे भक्तिमय वातावरण आहे. दर्शन घेण्यासाठी लाखो भाविक त्र्यंबकेश्वरमध्ये दाखल झाले आहेत. मध्यरात्रीपासूनच मंदिराच्या बाहेर भाविकांची मोठी रांग लागलेली पहायला मिळाली.

आज महाशिवरात्रीनिमित्त या मंदिरात शिवभक्तांची पुजेसाठी मोठी गर्दी उसळली आहे. पंधराव्या शतकातील हे प्राचीन मंदिर भाविकांच्या गर्दीनं फुलून गेले आहे.

मनमाड जवळच्या नागापूर येथील अतिप्राचीन हेमाडपंती नागेश्वर मंदिरात महाशिवरात्री निमित्ताने भाविकांची दर्शनासाठी पहाटेपासून गर्दी झाली होती. यावेळी मंदिरातील गाभा-यात आकर्षक फुलांची सजावट करण्यात आली होती.