प्रयागराजमध्ये सुरू असेलल्या कुंभमेळयामध्ये आज चेंगराचेंगरीची घटना घडली.
महाकुंभ मेळ्यामध्ये झालेल्या चेंगराचेंगरीच्या घटनेमध्ये १५ पेक्षा अधिक भाविकांचा मृत्यू तर अनेक जण जखमी झालेत.
मौनी अमावस्येनिमित्त अमृतस्नान करण्यासाठी देश-विदेशातील नागरिकांनी कुंभमेळ्यात मोठी गर्दी केली आहे. याच वेळी संगम घाटावर ही चेंगराचेंगरी झाली.
या चेंगराचेंगरीदरम्यान एकच गोंधळ उडाला आणि भाविकांची पळापळ झाली. सर्वजण आपला जीव वाचवण्यासाठी सैरावैरा इकडे तिकडे पळू लागले.
भाविकांचे सामान, चप्पल, कपडे सर्वत्र विखुरलेले दिसत आहे.
या चेंगराचेंगरीमध्ये जखमी झालेल्यांना तात्काळ रुग्णालयामध्ये दाखल करण्यात आले आहे. जखमींमध्ये अनेकांची प्रकृती गंभीर आहे
पोलिसांनी कशीतरी परिस्थिती नियंत्रणात आणली. घटनास्थळावरचे काही फोटो समोर आले आहेत त्यावरून त्याची भीषणता लक्षात येत आहे.
संगम घाटावर प्रचंड गर्दी असल्यामुळे काही महिलांचा श्वास गुदमरला. सर्वजण एकमेकांच्या अंगावर पडले.
संगम घाटावर गर्दी ऐवढी होती की सर्वजण ढकलले जात होते. एकमेकांच्या अंगावर पडले तर काही जण गर्दीमध्ये तुडवले गेले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.