कोल्हापूरमध्ये गेल्या पंधरा दिवसात सातत्याने मुसळधार पाऊस पडत आहे. त्यामुळे पंचगंगा नदीच्या पाणीपातळीत चांगलीच वाढ झाली आहे.

कोल्हापूरमध्ये पडत असलेल्या मुसळधार पावसामुळे नदी दुथडी भरुन वाहत आहेत. नदीची पाणीपातळी ३२ फुटांवर पोहचली आहे. नदीची इशारा पातळी ३९ फूट आहे. तर धोक्याची पातळी ४३ फूट आहे.

पंचगंगा नदी पात्राबाहेरुन वाहू लागलेली आहे. याच पंचगंगा नदीचे फोटो ड्रोनच्या कॅमेरात कैद करण्यात आले आहेत.

पंचगगा नदी पात्राबाहेरुन वाहू लागल्यामुळे आजूबाजूच्या शेतीत पाणी घुसले आहे. पंचगंगा नदी भरली असल्याने कोल्हापूरकरांना मात्र आनंद झाला आहे.

पंचगगा नदीचे हे सुंदर दृश्य ड्रोन कॅमेरात टिपण्यात आले आहे. यात पंचगंगा नदी ओसंडून वाहताना दिसत आहे.

पंचगंगा नदीवर असणाऱ्या शिवाजी पुलावरुन हे दृश्य कैद करण्यात आले आहे. या नदीसोबत आजूबाजूचा निसर्गरम्य परिसर खूपच सुंदर दिसत आहे.